mbd

mmsb

Rgs

Rms

Jmg

nakb

apb

tvs

काठमाडौं । सिन्धुपाल्चोकको त्रिपुरा सुन्दरी गाउँपालिका वडा नम्बर ५ मा जन्ती बोकेको बस दुर्घटना हुँदा ३ जनाको घटनास्थलमै मृत्यु भएको छ । उक्त दुर्घटनामा परी ५२ जना घाइते भएका छन् ।

दोलखाबाट सिन्धुपाल्चोकको त्रिपुरासुन्दरी पिस्कर जान लागेको बस दुर्घटनामा परेको हो । प्रहरीका अनुसार बा ४ ख ५६१६ नम्बरको जन्ती बोकेको बस शुक्रबार बिहान दुर्घटनामा परेको हो ।

त्यस्तै घाइतेमध्ये ५ जनाको अवस्था गम्भीर रहेको बताइएको छ । घाइतेरूलाई उपचारका लागि अस्पताल पठाइसकिएको जनाइएको छ । दुर्घटनामा मृत्यु भएकाहरूको सनाखत भइनसकेको प्रहरीले जानकारी दिएको छ । रोल्वालिङ यातायातको त्रिपुरासुन्दरी गाउँपालिका–५ धारावतीमा आज बिहान ७ बजे दुर्घटना भएको जिल्ला प्रहरी कार्यालयका प्रहरी नायब उपरीक्षक निरञ्जन भट्टराईले जानकारी दिए ।

यस्तै दुर्घटनामा घाइते भएकाहरूको उद्धार गरी अस्पताल पठाउन थालिएको उनले बताए । बस भिरमा खसेकाले उद्धारमा केही समस्या भएको प्रहरी नायब उपरीक्षक भट्टराईले जानकारी दिए ।