Rgs

mbd

Jmg

mmsb

Rms

nakb

apb

tvs

दाङ । देउखुरीको राजपुर गाउँपालिका वडा नम्बर १ पटौली नाकामा बोलेरो जीप दुर्घटना भएको छ ।

बिहीबार आज दिउँसो १:४५ बजेतिर लमहीदेखि राजपुर गाउँपालिका ६ नम्बर वडा कार्यालयको सामान र सामुदायिक स्वास्थ्य इकाई खाङग्राको सामन तथा स्कुलका किताब बोकेको बोलेरो जीप पटौली नाकामा दुर्घटना परेको हो ।

लु १ च ४२१० नम्बरको जीपमा सामान सहित ३ पुरुष र ४ महिला गरि ७ जना गाडीमा सवार रहेका थिए । बाटोको टनिङमा मोड नपुग्दा गाडी बाटोदेखि ५० मिटर तल खसेको सो गाडी साहुधनी भुपाल वलीले जानकारी दिए । गाडीमा सवार सबैजना सकुशल रहेको र अहिले ट्याक्टरको सहयोगमा उक्त गाडीलाई उद्धार गरि वडा नम्बर ६ को खाङ्ग्रा नाकामा पुराइसकेको वलीले जानकारी दिए ।

त्यस्तै गाडी धनी वलीले गाडीमा रहेका सम्पूर्ण सामान,प्यासेन्जर र गाडीमा समेत त्यति धेरै क्षति नभएको हुँदा प्यासेन्जरका घरपरिवारलाई कुनै चिन्ता नलिन आग्रह गरेका छन् ।

गाडी राजपुरको वडा नम्बर २ बेला हुँदै वडा नम्बर १ को माररी खोलादेखि पटौली नाकाको बाटो भएर पश्चिम् वडा नम्बर ६ को खाङ्ग्रा नाका जादै थियो ।