बर्दिया । बर्दियाको सीमा इलाकाबाट नेपाल सशस्त्र प्रहरी बलले २३ किलो चरेसहित एक जना युवकलाई पक्राउ गरेको छ ।
त्यस्तै पक्राउ पर्नेमा रुकुम पश्चिमको सानीभेरी गाउँपालिका ५ घर भएका ३४ वर्षीय बमबहादुर पुन छन् । मङ्गलबार बिहान उनलाई बर्दियाको बडैयाताल गाउँपालिका वडा नम्बर २ फुटाहा स्थित सीमा इलाकाबाट पक्राउ गरिएको सशस्त्र प्रहरी बलका सहप्रवक्ता शैलेन्द्र थापाले जानकारी दिए ।
यस्तै सशस्त्र प्रहरी बलको बीओपी फुटाले उनको साथबाट ३९ वटा प्याकेटमा रहेको २३ किलो लागू औषध चरेस बरामद गरेको छ। सशस्त्र प्रहरीले उनलाई थप अनुसन्धान र कारबाहीका लागि नेपाल प्रहरीको जिम्मा लगाइएको सशस्त्रले जनाएको छ ।