दाङ । नेकपा एमाले गढवाले पार्टी केन्द्रले निर्धारण गरेको बैचारीक अभियान अन्तर्गत वडा–वडामा कार्यकर्ता प्रशिक्षण अभियानलाई निरन्तरता दिएको पार्टीका गढवा इन्चार्ज तथा केन्द्रिय सदस्य साजिदा सिद्दिकीले बताए ।
अभियान अन्तर्गत वडा नम्बर १ मा बृहत्त रुपमा प्रशिक्षण कार्यक्रम सम्पन्न भै सकेको र अन्य वडाहरुमा तिब्र रुपमा कार्यक्रम संचालनले निरन्तरता पाईरहेको पार्टीका गाउँपालिका अध्यक्ष बाबुराम अधिकारीले जानकारी दिए ।
यसैबिच आईतवार गढवाको ४ नम्बर वडा स्तरीय प्रशिक्षण कार्यक्रम सम्पन्न भएको एमाले गढवाले जनाएको छ । पार्टीका वडा अध्यक्ष कमल खड्काको अध्यक्षता र केन्द्रिय सदस्य साजिदा सिद्दिकीको प्रमुख आतिथ्यमा भएको कार्यक्रममा सिद्दिकी सहित जिल्ला सचिव तथा प्रदेश सचिवालय सदस्य मनोहर बुढाथोकी, प्रदेश सदस्य सुरामणी बेल्वासे र प्रदेश सल्लाहकार मोहन कुमार पाण्डेयले प्रशिक्षण दिएका थिए ।
कार्यक्रममा पार्टीका प्रदेश सल्लाहकार कमला आचार्य,सामुदायिक बिद्यालय महासंघ लुम्बिनी प्रदेशमा उपाध्यक्ष युवराज पोखे्रल, जिल्ला सदस्यहरु सानुनारायण अधिकारी, सिता चौधरी, लोकराज अधिकारी र अनेमसंघ दाङका सदस्य कल्पना घिमिरे र एमाले गढवाका सचिव केशरी गिरी लगायतले बोलेका थिए । भुवन कुमार घिमिरेको स्वागत मन्तब्यबाट सुरु भएको प्रशिक्षण कार्यक्रमको संचालन पार्टीका वडा नं. ४ का सचिव चेतबहादुर थापाले गरेका थिए ।
त्यस्तै अभियान अन्तर्गत वडा नम्बर ५ मा बैशाख ५ गते, वडा नं. ७ मा बैशाख ७ गते, वडा नम्बर ८ कोइलाबासमा बैशाख ९ गते र वडा नम्बर ६ गढवामा बैशाख १० गतेलाई तयारी पुरा भएको र वडा नम्बर २ र ३ मा बैशाख १० पछि गरिने एमाले गढवाले जनाएको छ । प्रशिक्षण अभियान संगसंगै पार्टीको संगठित सदस्यता नविकरण गर्ने र पालिका तथा जिल्ला अधिवेशनको तयारी गरिने एमाले दाङले जनाएको छ ।