Gst

Rgu

Rsb

Vor

Rgu

nsb

Ssm

Pvg

Asm

Ggd

Bbu

Wsp

Tsm

Bbbpu

Rgs

Sbs

Hal

Ksm

Sls

Mks

sab

Gsb

Rmb

bbt

Rpp

Syp

Jmb

Abd

Jmb

Pls

Bml

Ptm

कपिलवस्तु । कृष्णनगर भन्सारमा मदिरा काण्ड बाहिरिएको छ । जाँचपासका लागि नियन्त्रणमा लिइएको विदेशी मदिरा भन्सारकै कर्मचारीले चोरेर पिएको प्रारम्भिक छानबिनबाट खुलेको छ ।

भारतबाट फर्किएका लाहुरेहरूको साथबाट गत साता ६० बोतल मदिरा भन्सारले जाँचपासका लागि भनेर नियन्त्रणमा लिएको थियो । त्यसमध्ये ८ वटा मदिरा चोरी गरी कर्मचारीले पिएको पुष्टि भएको छ । तर, माथिल्लो निकायलाई जानकारी नदिई सो प्रकरण डिसमिस गराउने प्रयास भइरहेको छ ।

कर्मचारीहरूकै निर्देशनमा सो मदिरा चालक वीरेन्द्र यादवले निकालेर वितरण गरेका थिए । भन्सार कार्यालय स्रोतका अनुसार भन्सार अधिकृत बासुदेव नेपाल, नासु सुर्य रेग्मी र रेवती गिरीलाई आफूले मदिरा दिएको उनले बताएका छन् ।

ताल्चा फोलेर त्यसरी मदिरा निकालिएका थिए । तर, अर्का कार्यालय सहयोगी करण यादवलाई फसाएर मुख्य कर्मचारीलाई जोगाउने प्रयास भइरहेको स्रोत बताउँछ । सो मदिरा जाँचपासका लागि निकाल्न कर्मचारी भोजराज रेग्मीले कार्यालय सहयोगी करण यादवलाई भनेकोमा उनले ताल्चा लगाइएको ढोका खुला रहेको र मदिरा चोरी भएको जानकारी गराएका थिए ।

यस सम्बन्धमा भन्सार प्रमुख मान बहादुर पौडेलले प्रारम्भिक छानबिन गर्दा कर्मचारीले नै मदिरा लगेको पुष्टि भइसकेको छ । तर, सोझा लाहुरेहरूलाई फकाएर कतै उजुरी नगर्न भनिएको छ ।

आफ्नो पद नै धरापमा पर्ने भएपछि भन्सार प्रमुख पौडेलले घटना लुकाएको एक कर्मचारीले बताए । कृष्णनगर भन्सारमा तस्करीको सेटिङ रहेकाले लक्ष्यअनुसार भन्सार उठाउन सकेको छैन । यसमा भन्सार प्रमुख पौडेलकै मिलेमतो रहेको स्रोत बताउँछ । हाल मदिरा काण्डमा मुछिएका नासु सूर्य रेग्मी यसअघि नेपालगञ्जमा हुँदा निलम्बनमा परेका थिए । फेरि सेटिङ मिलाएर भन्सारमै पुगेका उनी पुरानै धन्दामा सक्रिय छन् ।