Tsm

Ggd

Ksm

Rgu

Gst

Sls

Bbu

Rgu

Vor

Hal

Ssm

Rsb

Asm

Pvg

Sbs

Wsp

nsb

Rgs

Bbbpu

Bml

Rpp

Abd

sab

Rmb

Syp

Pls

bbt

Jmb

Jmb

Ptm

Mks

Gsb

कपिलवस्तु । कपिलवस्तुको हुलाकी सडक खण्डमा शनिबार राति भएको सवारी दुर्घटनामा दुई जनाको ज्यान गएको छ भने तीन जना घाइते भएका छन् ।

रोकिराखिएको ट्रकमा स्कार्पियो गाडी ठोक्किँदा दुर्घटना भएको बताएको छ । जिल्ला ट्राफिक प्रहरी कार्यालय कपिलवस्तुका प्रहरी निरीक्षक राजन ढकालका अनुसार राति करिब ९ बजेतिर बहादुरगन्जबाट तौलिहवातर्फ जाँदै गरेको भारतीय नम्बर प्लेटको स्कार्पियो (युपी ३२ सिए ८३४३) कपिलवस्तु नगरपालिका–१२ पिपराहवामा सडक किनारमा रोकिएको लु १ ख ९५४९ नम्बरको ट्रकसँग ठोक्किएको थियो ।

त्यस्तै,दुर्घटनामा गम्भीर घाइते भएका महाराजगन्ज नगरपालिका–११ बनगाईका ५० वर्षीय राधेश्याम कुर्मी र शिवराज नगरपालिका–६ धरमनगरका ५५ वर्षीय चिन्नी कुर्मीको कपिलवस्तु अस्पतालमा उपचारको क्रममा मृत्यु भएको प्रहरीले जनाएको छ ।

यस्तै,प्रहरी निरीक्षक ढकालले भने, “स्कार्पियो तीव्र गतिमा रहेको प्रारम्भिक अनुमान छ। सडक किनारमा रोकिएको ट्रकमा ठोक्किँदा गाडीमा सवार यात्रुहरू गम्भीर घाइते भएका थिए, जसमध्ये दुई जनाको उपचारकै क्रममा मृत्यु भयो।”

त्यस्तै,दुर्घटनामा महाराजगन्ज–११ बनगाईका ६५ वर्षीय नन्दप्रसाद दुबे, शिवराज नगरपालिका वडा नम्बर १० लालपुरका २८ वर्षीय मोतिलाल कुर्मी र शिवराज–११ का २० वर्षीय सुरेश कुर्मी घाइते भएका छन् । उनीहरुको उपचार भइरहेको प्रहरीले जनाएको छ । दुर्घटनापछि ट्रक चालकलाई प्रहरीले नियन्त्रणमा लिएको छ भने घटनाबारे थप अनुसन्धान भइरहेको जिल्ला ट्राफिक प्रहरी कार्यालय कपिलवस्तुले जनाएको छ ।