Jmg

mmsb

nakb

Rgs

Rms

mbd

apb

tvs

दाङ । लुम्बिनी प्रदेशको मुख्यमन्त्रीमा नेपाली काँग्रेसका संसदीय दलका नेता डिल्ली बहादुर चौधरी नियुक्त भएका छन्।

संविधानको धारा १६८ उपधारा २ मा दुई वा दुई भन्दा बढी दलको समर्थनमा बहुमत पुर्याउन सक्ने सदस्यलाई मुख्यमन्त्री नियुक्त गर्न सक्ने प्रावधान बमोजिम प्रदेश प्रमुख अमिक शेरचनले चौधरीलाई मुख्यमन्त्रीमा नियुक्त गरेका हुन् ।

चैत १२ गते समर्थन गरेका दलहरुले समर्थन फिर्ता लिएसँगै अल्पमतमा परेर विस्वासको मत पाउन नसकेपछि बैशाख ११ गते यसअघिका मुख्यमन्त्री लिला गिरी नेतृत्वको सरकार ढलेको थियो । हाल मुख्यमन्त्री नियुक्त भएका चौधरीले नेपाली कांग्रेसका २७, नेकपा माओवादीका ११, नागरिक उन्मुक्ति पार्टीका ४, जसपा, लोसपा, जनमत पार्टिका ३/३, राष्ट्रिय जनमोर्चा र एकीकृत समाजवादी पार्टीका १/१, जना गरी ५३ जना प्रदेशसभा सदस्यहरुले समर्थन गरेका थिए । लुम्बिनी प्रदेश सभा कूल ८७ सदस्यीय रहेको छ।

मुख्यमन्त्री नियुक्त भएका चौधरीलाई भोली १५ गते सपथ खुवाउने तयारी प्रदेश प्रमुख कार्यालयले गरेको छ । दाङ क्षेत्र नम्बर ३ (क) बाट गत मंसिरको प्रदेश सभा निर्वाचन जितेका चौधरी यसअघिको लुम्बिनी प्रदेशसभामा पनि मन्त्री बनेका थिए भने २०७० सालमा प्रतिनिधिसभामा निर्वाचित भएर राज्यमन्त्रीको जिम्मेवारी सम्हालेका थिए । गैरसरकारी संस्थामा क्रियाशील हुँदै राजनीतिमा लागेका मुख्यमन्त्री चौधरी नेपाली काङ्ग्रेसका सभापति शेरबहादुर देउवाका विश्वास पात्रका रुपमा चिनिन्छन् ।