Ssb

Tsb

Nps

Rgu

दाङ । दाङ जिल्लाको जनसंख्या करिब सात लाख नजिक पुगेको छ । राष्ट्रिय तथ्याङ्क कार्यालयले शुक्रबार सार्वजनिक गरेको १२औँ जनगणना- २०७८ ले सार्वजनिक गरेको अन्तिम तथ्याङक अनुसार जिल्लाको जनसंख्या ६ लाख ७४ हजार ९ सय ९३ कायम भएको हो ।

त्यस्तै तथ्यांक अनुसार जिल्लामा पुरुष भन्दा महिलाको संख्या बढी छ । ३ लाख २० हजार ५७३ अर्थात् ४७ दशमलव ५ प्रतिशत पुरूष र ३ लाख ५४ हजार ४२० अर्थात् ५२ दशमलव ५ प्रतिशत महिला रहेका छन् । जिल्लाको दश पालिकामध्ये सबैभन्दा बढी जनसंख्या घोराही उपमहानगरपालिकाको छ भने सबैभन्दा कम बंगलाचुली गाँउपालिकाको छ । सार्वजनिक तथ्याङ्क अनुसार घोराही उपमहानगरपालिकामा २ लाख ५३० जनसंख्या रहेको छ भने बंगलाचुलीमा २२ हजार ३ सय ७३ रहेको छ ।

यसैगरी तुलसीपुर उपमहानगरपालिकामा १ लाख ७९ हजार ७५५, शान्तिनगर गाँउपालिकामा २७ हजार ६४१, बबई गाँउपालिकामा ३० हजार ९६८, दंगिशरण गाँउपालिकामा ३२ हजार ६६८ जनसंख्या रहेको छ । त्यस्तै लमही नगरपालिकामा ५९ हजार ५०, राप्ती गाँउपालिकामा ५२ हजार १२३, गढवा गाँउपालिकामा ४५ हजार ८९८ र राजपुर गाँउपालिकामा २८ हजार ३४६ जनसंख्या रहेको छ ।