दाङ । राजपुर गाउँपालिकाले अग्नि पीडितलाई तत्काल राहात उपलब्ध गराएको छ ।

राजपुर गाउँपालिका वडा नम्बर ४ सत्यदेउ यादवको घर गत २९ गते राती एक्कासी आगलागी हुँदा पुर्णरुपमा जलेर नष्ट भएको छ । आगलागीबाट करिब ८ लाख बराबरको नोक्सान भएको प्रहरीको भनाई छ । घरमा रहेका लत्ता कपडा भाँडाकुडा अन्नबाली सबै जलेर नष्ट भएको पीडित यादवले जानकारी दिनु भयो ।तिनै अग्नि पीडितलाई गाउँपालिकाले खाद्यान्न सहयोग गरेको छ । २ बोरा चामल, चिउरा, ४ किलो दाल,२ लिटर तेल सहयोग गरेको हो । आगलागीबाट बस्ने बास नै उजाडिएपछि तत्काललाई सान्त्वना स्वरुप राहात सहयोग गरिएको राजपुर गाउँपालिकाका अध्यक्ष शरद बुढाथोकीले बताउनु भयो ।त्यस्तै पीडित परिवारलाई मानव कल्याण तथा वातावरण संरक्षण केन्द्र सिड्स परियोजनाले पनि त्रिपाल सहयोग गरेको छ । २ वटा त्रिपाल, २ वटा म्याट,बाल्टी,किड सहयोग गरिएको मानव कल्याण राजपुरका प्रमुख राजेन्द्र अधिकारीले जानकारी दिनु भयो ।

उक्त राहत वितरण कार्यक्रममा गाउँपालिका अध्यक्ष शरद बुढाथोकी,उपध्यक्ष धनपती देवि यादव, वडाध्यक्ष रामेश्वर यादव,मानव कल्याणका प्रमुख राजेन्द्र अधिकारी लगायतले बिहिवार बिहान पीडितको घरमा राहात लिएर जानू भएको थियो ।