दाङ । पश्चिम दाङको बबई गाउँपालिका उपाध्यक्ष बम कुमारी खड्काले पार्टी भित्र अन्तरघात गरेको भन्दै महिलाहरु आन्दोलनमा उत्रिएका छन् ।
गाउँपालिकाको कार्यपालिका सदस्य निर्वाचनमा उपाध्यक्ष खड्काले पार्टी भित्र अन्तरघात गर्दै नेकपा एमालेलाई जिताएको भन्दै पछिल्लो समयमा बबईका महिलाहरु आन्दोलनमा उत्रिएका हुन् ।
कार्यपालिका निर्वाचनमा अन्तरघात भएको निकर्ष निकाल्दै गाउँ कार्य समितिले कारबाहीका लागि जिल्लामा सिफारिस गरिसकेको छ । कारबाहीको सिफारिस भएपनि यहाँका महिला भने तुरन्त राजिनामाको माग गर्दै आन्दोलनमा उत्रिका आएका छन् ।
कार्यपालिका निर्वाचन पश्चात पहिलो पटक आज उपाध्यक्ष खड्का गाउँपालिकामा आएकी थिइन् । गाउँपालिका आएको खवर पाए लगत्तै बबईका महिला जम्मा भएर आन्दोलनमा उत्रिए । गाउँपालिकाको कार्यालयमै पुगेर तुरन्त राजिनामा माग गर्दै चर्कोरुपमा आन्दोलन गरेका थिए ।