Sidha Patra बिहिबार, जेठ ०१, २०७७

काठमाडौं । विश्व स्वास्थ्य संगठन (डब्ल्यूएचओ) ले कोरोना भाइरसको संक्रमण कहिले समाप्त नहुन पनि सक्ने चेतावनी दिएको छ । विश्वब्यापी महामारीकारुपमा देखिएको कोरोनाका कारण झण्डै ३ लाख मानिसको ज्यान गइसकेको छ । विश्वका शक्तिशाली राष्टहरु कोरोनाका चरम चपेटामा आइसकेका छन् ।

विश्वभरका बैज्ञानिकहरु कोरोनाको खोप बनाउन जुटेका बेला विश्व स्वास्थ्य संगठनले कोरोनाको संक्रमण अत्यन नहुनु पनि सक्ने चेतावनी दिएको हो । डब्ल्यूएचओ आपतकालीन सवाल निर्देशक माइकल रायनले रुप बदलेर भएपनि कोरोना रहिरहने सम्भावना रहेको बताए । ‘कोरोना क्षेत्रअनुसार रूप बदलेर अर्को भाइरस बनेर बसिरहन सक्ने देखिन्छ, कहिले समाप्त नहुन पनि सक्छ,’ जेनेभामा भएको भर्चुअल प्रेस सम्मेलनमा उनले भने ।

कोरोनाबिरुद्धको खोप बनेपनि तत्काल अन्त्य नुहने विश्व स्वास्थ्य संगठनले बताएको छ । मानिसमा रोग प्रतिरोधी क्षमता विकास हुन केही समय लाग्ने र त्यो क्षमता बृद्धि नहुँदासम्म कोरोनाको त्रास विश्वभर रहिरने उनले बताए । संसारभर अहिले कम्तीमा एक सय वटा खोप विकास भइरहेका छन्। तरपनि भरपर्दाे खोपको विकास भएको छैन ।

हाम्रो टिम

संचालक : मेगमन बुढा मगर
सम्पादक: कृष्णे घर्ती मगर
निर्देशक: भानु जोशी
जिल्ला ब्युरो: टेकबहादुर पुन
वरिष्ठ सम्बादाताहरु: शिवराज पन्थी,जयप्रकाश पौडेल
सम्बादाताहरु: शिवराज खनाल,टोपेन्द्र खनाल,श्रावण बस्नेत

सम्पर्क

एम.बि.के.एन मिडिया प्रा.लि.
# दर्ता नं. :– २४५९/०७७-०७८
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८४९८८७५१४
# बिज्ञापन : – ९८४९८८७५१४
# इमेल :- [email protected]