दाङ । दाङको तुलसीपुर खानेपानी उपभोक्ता तथा सरसफाई संस्थाको अध्यक्ष पदमा यमकान्त भण्डारी विजयी हुनु भएको छ । उहाँले १९८६ मत ल्याएर विजयी हुनु भएको हो ।

त्यस्तै उहाँले आफ्ना प्रतिद्वन्दी पवनराज बुढाथोकीलाई २१९ मत अन्तरले पराजित गर्नु भएको छ । बुढाथोकीले १७६७ मत ल्याउनु भएको छ भने अर्का अध्यक्ष पदका उम्मेद्धार दिपक धितालले २६४ मत ल्याउनु भएको छ ।

यसैगरी निर्वाचन समितिले आधिकारी विजयीको घोषणा गरेको छ । संस्थाको शनिबार भएको निर्वाचनको मतपरिणाम अनुसार कोषाध्यक्ष बाहेक अन्य पदमा ९ दलिय गठबन्धननै विजयी भएको छ ।
त्यस्तै उपाध्यक्ष पदमा सिताराम शर्मा विजयी हुनु भएको छ । उहाँले २२७२ मत ल्याएर विजयी हुनु भएको हो । उहाँका प्रतिपक्षमा रहेका गिरीधारी पौडेलले १४८५ मत ल्याउनु भएको छ भने पुर्णप्रसाद धितालले ७१ मत प्राप्त गर्नु भएको छ ।

यस्तै सचिव पदमा सेवकराम भण्डारीले २८३८ मत ल्याएर विजयी हुनु भएको छ भने उहाँका प्रतिपक्षमा रहेका दामोदर लामिछानेल ६८४ मत ल्याएर पराजित हुनु भएको छ । त्यस्तै कोषाध्यक्ष पदमा भोलाप्रसाद थापा विजयी हुनु भएको छ । उहाँले १७०२ मत ल्याएर विजयी हुनु भएको हो । त्यस्तै उहाँका प्रतिपक्षमा रहनु भएका भद्र बहादुर वलीले १५१६ मत ल्याएर पराजित हुनु भएको छ । मेघराज न्यौपानेले ३०४ मत ल्याउनु भएको छ भने अर्का प्रतिपक्षमा रहनु भएका कर्ण बहादुर वलीले ८७ मत मात्रै प्राप्त गर्नु भएको छ ।

त्यस्तै पुरुष सदस्यमा लक्ष्मण केसीले २५६४ मत प्राप्त गरी विजयी हुनु भएको छ । यस्तै पदम बहादुर खड्काले २०७८ र शोविन्द्र चन्दले १३११ मत प्राप्त गर्नु भएको छ । यस अघि नै महिला सदस्यहरु सहमतिमै विजयी भै सक्नु भएको छ । संस्थामा ७ हजार ४ सय ६७ जना मतदाता रहेकोमा जम्मा ४ हजार ४०५ मत मात्रै खसेको निर्वाचन समितिले जनाएको छ ।