Jmbp

SDBS

Spbk

Jmbg

Rgup

Mdmb

Unku

Ggp2

Ggp1

Ggp4

Lnp-8

Lnp5

Ggp3

Rpdx1

Lnp1

Lnp2

Ggp5

Lnp9

Lnp3

Ggp6

दाङ । करिब तीन महिना पछि परेको हिउँदे बर्षातले किसानहरुलाई राहत भएको छ । यो पटकको बर्षातले दाङमा गहुँ, मसुरो लगायत तरकारी बालीलाई समेत राहत पुगेको किसानहरुले बताएका छन् ।

त्यसैगरी ढिलोगरी छरेको तोरीलाई समेत मद्धत पुगेको छ । यसपाली हिउँदेवालीको उत्पादन बढ्ने किसानहरुले बताएका छन् । तर चिसो मौसममा परेको दुई दिने झरीका कारण बालबालिका तथा बृद्धबृद्धाहरुको स्वास्थ्य तथा उनीहरुको दैनिकीमा गम्भीर प्रभाव परेको छ ।

सल्यान, रुकुम र रोल्पाका उच्च पहाडी भू–भागमा पनि हिमपात भएको बताइएको छ । पहाडी जिल्लामा हिमपातले र अन्य तराई क्षेत्रमा परेको पानीले किसानहरुलाई फाइदा पुगेको कृषि विज्ञहरुको भनाई रहेको छ ।

कृषि सेवा केन्द्र तुलसीपुरका प्रमुख धनराज गौतमले अहिले परेको पानीले हिउँदे बाली राम्रो हुने बताउनु भएको छ । उहाँले लामो समय पछि हल्का पानी परेको भन्दै यसले गर्दा बालीनालीमा सहयोग पुग्ने उहाँले बताउनु भएको छ ।