दाङ । लगातार दाङमा परेको पानीले पाक्नै लागेको धानबालीमा ठूलो क्षति पुर्‍याएको छ। सोमबार बिहानदेखि देशैभर परेको लगातार पानीले पाकेको धान सखाप पारेपछि किसानहरु चिन्तित भएका हुन् । त्यस्तै पानीको झरीले खेतबारीका धानसँगै अन्य बाली साथै तरकारीमा समेत क्षति पुर्‍याएको किसानको भनाई छ । यस्तै दाङको दशवटै स्थानीय पालिका भित्र खेतमा पाकेको धान बटुल्नै नमिल्ने गरी भिजेको किसानहरुले जानकारी दिएका छन् । बर्ष भरी खाने धान काटेको दुई दिनमै खेतमा पानी भरिएकोले कतै धान झर्ने हो कि भन्ने चिन्ता लागेको किसानहरुको भनाई रहेको छ ।

लगातारको कात्तिके झरीले किसानहरुलाई बाँकी रहेको धान पनि कसरी भित्र्याउने भन्ने समस्याले पिरोलेको छ भने कतिपय ठाउँमा काटेको धान खेतमै भिजेको छ । यस्तै कतै पाकेको धान काटन नपाएर खेतमै झर्ने अवस्था पुगेको बुझिएको छ । त्यस्तै यो समस्या देशैभरका किसानले खेप्नु परेको अनुमान गरिएको छ