देशभर २४ घण्टामा १ सय ८ कोरोना संक्रमितको मृत्यु, ५ हजार,१ सय ५३ संक्रमित थप

Sidha Patra मंगलबार, जेठ २५, २०७८

काठमाडौं । पछिल्लो २४ घण्टामा १०८ जना कोरोना संक्रमितको मृत्यु भएको छ । योसंगै देशैभर कोरोना संक्रमणबाट मृत्यु हुनेको संख्या ८ हजार ९८ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै मंगलबार मात्रै ५ हजार १ सय ५३ जना कोरोनाका नयाँ संक्रमित थपिएका छन् । १२ हजार ६५ जनाको पिसिआर परीक्षण गर्दा ३ हजार ८ सय ७० र ५ हजार ६ सय ११ जनाको एन्टिजेन परीक्षण गर्दा १ हजार २ सय ३८ जनामा संक्रमण पुष्टि भएको हो । त्यस्तै २४ घण्टामा ६ हजार ५ सय ७० जना संक्रमणमुक्त भएको मन्त्रालयले जनाएको छ ।