दाङ । रसुवाको भोटेकोशी र त्रीशुलिमा गत हप्ताको बुधबार आएको आकस्मिक र अकल्पनिय बाढिबाट भएको क्षतिमा परेका परिवारको उद्दार राहात, पुनर्स्थापनाका लागि गढवा गाउपालिकाले ५ लाख सहयोग प्रधान्मन्त्री विपद राहातसोषमा पठाउने निर्णय गरेको छ । बाढिका कारण ज्यान गुमाएका परिवारप्रती श्रदान्जली अर्पण गर्दै घाइतेहरुको स्वास्थ्य लाभको कामना समेत गरेको छ ।

गाउँपालिकाका अध्यक्ष यमनारायण शर्मा पोख्रेलको अध्यक्षतामा सोमवार बसेको विपद ब्यवस्थापन समितिको बैठकले यस्तो निर्णय गरेको हो । विपदमा परेर बेपत्ता भएका परिवारलाइ आवश्यक राहात सहयोग गर्ने र घटना स्थलको स्थलगत समन्वयमा सहयोग गर्ने पनि निर्णय भएको पालिकाले जनाएको छ ।

यसैगरी मनसुन सक्रिय रहेको हुदा मनसुनजन्य बिपत्तिहरुको सम्भावित विपद जोखिम न्यूनिकरण गर्न र बिपद प्रतिकार्यका लागि छोटो प्रक्रियाबाट तत्काल ड्रोन खरिद गर्ने,सुरक्षा निकायलाइ आवश्यक बिपद प्रतिकार्य सामाग्री उपलब्ध गराउने र इलाका प्रहरी कार्यालय बाहिर विपद जन्य डिजिटल सुचना बोर्ड राख्ने निर्णय समेत गरेको फोकल पर्सन शेषमणी पौडेलले जानकारी दिए ।

त्यस्तै,मनसुन जन्य विपत जोखिम न्यूनिकरणका लागि पालिकाका विभिन्न खहरे खोलाहरुमा जम्मा भएको गेगरान हटाउने समितिको बैटकबाट निर्णय भएको बताइएको छ ।