काठमाडौं । नेपाली बजारमा आज बिहीबार सुनचाँदीको मूल्य ह्वातै बढेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ९ हजार ३ सय रुपैयाँले बढेको हो ।

जस अनुसार सुनको मूल्य आज ३ लाख १३ हजार ४ सय रुपैयाँमा कारोबार भइरहेको छ । यसअघि बुधबार ३ लाख ४ हजार १ सय रुपैयाँमा कारोबार भएको थियो ।

त्यस्तै,आज चाँदीको मूल्य पनि बढेको छ । महासंघका अनुसार आज चाँदी प्रतितोला २६० रुपैयाँले बढेको हो । जसअनुसार चाँदी पनि आज २६० रुपैयाँले बढेर ४ हजार ८५५ रुपैयाँमा कारोबार भइरहेको छ । यसअघि बुधबार ४ हजार ५९५ रुपैयाँमा कारोबार भएको थियो ।

महासंघका अनुसार हालसम्म नेपाली बजारमा सुनको सबैभन्दा उच्च मूल्य ३ लाख ३९ हजार ३ सय रुपैयाँ र चाँदीको उच्च मूल्य ७ हजार ५०५ रुपैयाँ प्रतितोला पुगेको रेकर्ड छ । गएको माघ १५ गते सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो । नेपाली बजारमा सुनको यो मूल्य हालसम्मकै सबैभन्दा उच्च हो ।

यस्तै चाँदीको मूल्य पनि तोलाको सात हजार ५०५ रुपैयाँ पुगेको थियो । उक्त मूल्य नेपाली बजारमा हालसम्मकै सबैभन्दा उच्च हो । अन्तर्राष्ट्रिय बजारको प्रभावका कारण नेपालमा सुनको मूल्यमा दैनिक उतारचढाव भइरहन्छ ।