२० साउन २०८३, बुधबार
Amb
ksbus
Sdc
Sidha Patra मंगलबार, साउन १९, २०८३
बागलुङ । खाना पकाउने ग्यास सिलिन्डर कालोबजारी गरेको आरोपमा प्रहरीले एक व्यक्तिलाई पिकअप भ्यानसहित पक्राउ गरेको छ ।
बागलुङ नगरपालिका वडा नम्बर १ रामरेखा स्थित सडकमा बागलुङ नगरपालिका वडा नम्बर १३ बस्ने ४३ वर्षीय भूपति जैसीले पिकअप भ्यानमा गृहलक्ष्मी लेखिएको एलपीजी खाना पकाउने ग्यास सिलिन्डर बढी मूल्य लिई लुकाइछिपाई सर्वसाधारणलाई बेचबिखन गरिरहेको अवस्थामा फेला पारेको प्रहरीले जनाएको छ ।
त्यस्तै,उक्त पिकअप भ्यानलाई रोकी जाँच गर्दा ४१ थान गृहलक्ष्मी लेखिएको भरी ग्यास सिलिन्डर र १९ थान बेचबिखन भइसकेका खाली ग्यास सिलिन्डर फेला पारिएको थियो । प्रहरीले जैसीलाई पिकअप भ्यानसहित नियन्त्रणमा लिएको छ ।
यस्तै,जिल्ला प्रशासन कार्यालय बागलुङबाट कालाबजारी सम्बन्धी कसूरमा ७ दिनको म्याद थप अनुमति लिई उनीमाथि आवश्यक अनुसन्धान कार्य भइरहेको प्रहरीले जनाएको छ ।
