Hal

Rgu

Sls

Wsp

Asm

Bbu

Gst

Bbbpu

Ssm

Tsm

Pvg

Rgu

Vor

Rgs

Sbs

Ksm

Rsb

nsb

Ggd

Jmb

Bml

Gsb

Rpp

bbt

sab

Pls

Jmb

Abd

Ptm

Rmb

Mks

Syp

दाङ । देउखुरीकाे राजपुर गाउँपालिकाले ६१ करोड बढीको बजेट बुधबार प्रस्तुत गरेकाे छ । दाेस्राे गाउँसभाकाे नबाैँ अधिवेशनमा पालिकाकी उपाध्यक्ष धनपतीदेवी यादवले ६१ करोड १ लाख ९० हजार रुपैयाँ बराबरको बजेट प्रस्तुत गरेकि हुन् ।
त्यस्तै गाउँसभामा अध्यक्ष शरदकुमार बुढाथोकी आर्थिक बर्ष २०८३/०८४ काे नीति तथा कार्यक्रम प्रस्तुत गरेका थिए ।

नीति तथा कार्यक्रम र बजेटकाे मुख्य-मुख्य अंश:

बजेटको मुख्य नाराः ‘कृषि, पशुपन्छी, वनपैदावार भरपुर, सुखी, समृद्ध र सुन्दर राजपुर’ । बजेटको ६० प्रतिशत चालु र ४० प्रतिशत पुँजीगत खर्च मा विनियोजन । गुणस्तरीय र निःशुल्क शिक्षालाई प्राथमिकता ।

शिक्षक तलब व्यवस्थापनका लागि थप ८० लाख रुपैयाँ विनियोजन । स्वास्थ्य क्षेत्रमा २ करोड २३ लाख रुपैयाँ बजेट व्यवस्था । गर्भवती, सुत्केरी तथा जोखिममा रहेका महिलाका लागि विशेष कार्यक्रम । कृषि तथा पशुपालन क्षेत्रमा करिब २ करोड रुपैयाँ विनियोजन । युवा उद्यमशीलता तथा आयआर्जन वृद्धिका कार्यक्रम सञ्चालन ।

त्यस्तै,भूमिहीन, सुकुम्बासी र अव्यवस्थित बसोबासीलाई लालपुर्जा वितरण अभियान । सबै वडाको विकासका लागि २ करोड १० लाख रुपैयाँ विनियोजन । महिला, दलित, जनजाति, मुस्लिम र अपाङ्गता भएका व्यक्तिका लागि ५७ लाख रुपैयाँ बजेट । सडक, विद्युत र पूर्वाधार विकासका लागि ६ करोड रुपैयाँ विनियोजन ।

जहरे–जंग्रहवा सडक स्तरोन्नति गरिने । खेलकुद विकासका लागि अध्यक्ष तथा उपाध्यक्ष कप प्रतियोगिता सञ्चालन गरिने । भाषा, संस्कृति संरक्षण र सामाजिक सुरक्षाका कार्यक्रमलाई निरन्तरता । सुशासन, सूचना प्रविधि र संस्थागत विकासका लागि १४ करोड ७० लाख रुपैयाँभन्दा बढी बजेट ल्याएको हो ।

त्यस्तै,पालिकाले शिक्षा, स्वास्थ्य, कृषि,पूर्वाधार र रोजगारीमार्फत समृद्ध राजपुर निर्माण गर्ने लक्ष्य राखेको छ ।