काठमाडौँ । प्रतिनिधिसभाको बैठक आज बिहान ११ बजे बस्दैछ । सिंहदरबारस्थित निर्माणाधीन संघीय संसद भवनमा बस्ने प्रतिनिधिसभाको बैठकबाट सभामुख पदमा निर्विरोध भएका राष्ट्रिय स्वतन्त्र पार्टीका उपसभापति डोलप्रसाद अर्याललाई निर्वाचित भएको औपचारिक घोषणा गरिने बताइएको छ । सभामुख पदका लागि शुक्रबार मनोनयन दर्ता समय अवधिमा रास्वपाका उपसभापति अर्याल बाहेक कसैको पनि उम्मेदवारी नपरेपछि अर्याल सभामुख पदमा निर्विरोध निर्वाचित भएको संसद सचिवालले जनाएको थियो ।

त्यस्तै,राष्ट्रियसभाको बैठक पनि आज अपराह्न १२ः १५ बजे सिंहदरबारमा बस्ने जनाइएको छ । बैठकमा सभाध्यक्षले विषयगत समितिका सदस्यको नाम मनोनयन तथा हेरफेर गर्ने कार्यसूची रहेको संघीय संसद सचिवालयका महासचिव पद्मप्रसाद पाण्डेयले जानकारी दिए। कार्यसूचीअनुसार प्रधानमन्त्री बालेन शाहले महिला आयोगको आर्थिक वर्ष २०८१ र ८२ को वार्षिक प्रतिवेदन पेस गर्ने कार्यसूची पनि तय भएको संसद सचिवालयले जनाएको छ ।