लमहीको एक सुनचाँदी पसलमा गोली चल्दा कालिगढ सुनार घाइते,लुटपाट गर्ने व्यक्ति फरार

Sidha Patra शनिबार, मंसिर २०, २०८२

दाङ । देउखुरीको लमहीमा आज गोली चलेको छ । लमही नगरपालिका–५ लमही बजारस्थित जुनतारा सुनचाँदी पसलमा कार्यरत कालिगढलाई लक्षित गरेर गोली प्रहार गर्दै लुटपाट गरिएको हो ।

त्यस्तै गोली प्रहारबाट कालिगढ दीपक सुनार सामान्य रुपमा घाइते भएका छन् । गोली प्रहार गर्ने व्यक्तिहरु घटनापछि फरार रहेको प्रहरीले जनाएको छ । घटना स्थललाई सिल गर्दै प्रहरीले अनुसन्धान अघि बढाएको छ।

पसलका संचालक सुमन सुनार कुलपूजा गर्ने उद्देश्यले अर्घाखाँची गएका र शनिबार सार्वजनिक विदा भएकाले कालिगढलाई बोलाएर हमला गरिएको बुझिएको छ ।