Gsb

Tsb

Ssb

Usb

Hl1

Nps

ptl

Rgu

दाङ । पाल्पाको रानीमहल घुम्नका लागि विद्यार्थी बोकेर गएको बस शुक्रबार विहान दुर्घटना भएको छ । जिल्ला प्रहरी कार्यालय पाल्पाका अनुसार दुर्घटनामा परी ११ जना सामान्य घाइतेफ भएका छन् ।

दाङको राजपुर स्थित साधारण नमूना माध्यमिक विद्यालयबाट विद्यार्थी लिई पाल्पा भ्रमणको लागि गएको ना ५ ख१०८९ नम्बरको बस शुक्रबार विहान करिब ६ बजे दुर्घटनामा परेको हो । पाल्पाको रानिमहल जाने क्रममा तानसेन नगरपालिका -१३ बैकण्ठे भिर नजिकै बस अचानक आफै अनियंत्रित भई सडकको भित्तामा ठोकिन पुगेको थियो ।

त्यस्तै दुर्घटनामा परी घाइते हुनेहरुमा दाङ राजपुर गाउँपालिका-४ का ४० वर्षीय शत्रुघन गुप्ता, घोराही उपमहानगरपालिका-११ का २२ वर्षीय दामोदर रेउले,बस चालक घोराही-१४ का ३५ वर्षिय सन्तोष ढकाल,राजपुर-५ की १२ वर्षीया सन्ध्या भण्डारी, राजपुर-६ की १८ वर्षिया दिल कुमारी रावत रहेकी छन् । यसैगरी राजपुर-६ की १० वर्षीया सन्तोषी चौधरी,१९ वर्षिय अजय नेपाली,राजपुर-५ की २३ वर्षीया सृजना यादव, १३ वर्षिय आयूष भण्डारी, १५ वर्षीय अभिषेक यादव र घोराही-९ का ३५ वर्षीय बसन्त योगी सामान्य घाइते भएका छन् ।