Rsb

Bbbpu

Pvg

Rgu

Ssm

Ggd

Gst

nsb

Asm

Sbs

Bbu

Vor

Sls

Ksm

Wsp

Rgs

Rgu

Hal

Tsm

Jmb

Rpp

Pls

Rmb

Ptm

Jmb

sab

Abd

bbt

Gsb

Mks

Bml

Syp

अर्घाखाँची । आजदेखि अर्घाखाँचीमा लुम्बिनी प्रदेशस्तरीय मुख्यमन्त्री कप पुरुष भलिबल प्रतियोगिता सुरु भएको छ ।

सन्धिखर्कस्थित टुँडिखेलमा मंगलबार आजदेखि लुम्बिनी प्रदेशस्तरीय मुख्यमन्त्री कप पुरुष भलिबल प्रतियोगिता सुरु भएको हो । प्रतियोगिताको उद्घाटन लुम्बिनी प्रदेशका कृषि, भूमि व्यवस्था तथा सहकारीमन्त्री दिनेश पन्थीले उद्घाटन गरेका छन् । खेल क्षेत्रकाे विकास,खेलाडी उत्पादान,नियमित प्रतियाेगिताका लागि सरकारले उच्च प्राथमिकतामा राखेकाे बताए ।

त्यस्तै प्रतियोगिता उद्घाटन हुनुअघि बाजागाजा सहित झाँकी र र्‍याली निकालिएको थियो । चैत ८ गते प्रतियोगिताको समापन गरिने छ । प्रतियोगितामा ११ जिल्लाका खेलाडी भाग लिएका छन् । भलिबल खेलमा प्रथम हुनेलाई १ लाख नगद ट्रफी र मेडल,यस्तै द्वितीय पुरस्कार ६५ हजार, तृतीय पुरस्कार ३५ हजार, सान्त्वना पुरस्कार १५ हजार दिइने प्रदेश खेलकुद परिषद् लुम्बिनीले जनाएको छ । सर्वोत्कृष्ट खेलाडीलाई नगद १० हजार र उत्कृष्ट ६ विधामा जनही ५ हजार रुपैयाँ दिइनेछ ।

प्रदेश खेलकुद परिषद लुम्बिनीका सदस्य सचिव तिरणदाज गौतमको अध्यक्षता तथा सरकारका प्रवक्ता एवम् कृषि,भूमि व्यवस्था तथा सहकारी मन्त्री दिनेश पन्थीको प्रमुख आतिथ्यतामा उद्घाटन भएको मुख्यमन्त्रीका स्वकीय अधिकृत प्रदिप नेपालीले जानकारी दिए । उद्घाटन कार्यक्रममा जिल्ला समन्वय समितिका प्रमुख, प्रमुख जिल्ला अधिकारी,स्थानीय तहका प्रमुख तथा उपप्रमुख, राजनीतिक दलका प्रमुख तथा प्रतिनिधि लगायतकाे बाक्लो सहभागिता रहेको थियो ।