Tsb

Gsb

Hl1

Usb

Ssb

ptl

Rgu

Nps

काठमाडौँ । हिमताल फुटेर सोलुखुम्बुको खुम्बु पासाङ ल्हामु गाउँपालिकामा एकाएक भीषण बाढी आएको छ । उक्त बाढी हिमताल फुटेर आएको हुन सक्ने आशंका गरिएको छ ।

खुम्बु गाउँपालिका वडा नम्बर ४ का अध्यक्ष लक्ष्मण अधिकारीले माथिबाट एकाएक बाढी आउँदा तल्लो भेगमा रहेको थामे भन्ने स्थानमा बाढीले क्षति पुर्‍याएको जानकारी दिए ।‘माथिबाट एकाएक बाढी आयो । खुम्बु पासाङ ल्हामु गाउँपालिका वडा नम्बर ५ थामे भन्ने ठाउँमा रहेका घरहरुमा बाढी पसेको छ’, उनले भने । प्रारम्भिक विवरण अनुसार धनमालको क्षति भएपनि हालसम्म मानवीय क्षतिको जानकारी छैन । ‘अहिलेसम्म कसैलाई पनि केही भएको जानकारी छैन । तर, उद्धार कार्य जारी छ’, उनले भने । उनले तल्लो तटीय क्षेत्रमा सबैलाई खबर गरिसकिएको जानकारी दिए ।

त्यस्तै उनका अनुसार थामेमा रहेका एउटा विद्यालयको होस्टेलमा फसेका विद्यार्थीहरूको उद्धार गरिएको छ । यस्तै स्थानीयलाई पनि उद्धार गर्ने काम धमाधम भइरहेको छ । उनले हिमताल फुटेको आशंका गरिएको भन्दै एकाएक ठुलो आवाजका साथ लेदोसहितको बाढी आएको बताए । ‘माथि तिरबाट एकाएक बाढी आयो । थामेगाउँलाई मात्रै असर छ । घरहरु डुबेका छन्’, उनले थप बताए । घटनास्थल सोलुखुम्बु सदरमुकामबाट ३ दिन टाढाको दुरीमा रहेको वडा अध्यक्ष अधिकारीले बताए ।