Vor

Asm

Rgu

Wsp

nsb

Tsm

Sls

Pvg

Sbs

Bbu

Ggd

Rsb

Ssm

Rgs

Bbbpu

Rgu

Ksm

Hal

Gst

Syp

Gsb

Mks

Abd

Rpp

Ptm

bbt

Rmb

Jmb

sab

Bml

Pls

Jmb

काठमाडौँ । सर्लाही स्थित बागमती नगरपालिकाका मेयर भरत कुमार थापा विरुद्ध भ्रष्टाचार मुद्दा दायर भएको छ ।

अख्तियार दुरुपयोग अनुसन्धान आयोगले थापाविरुद्ध बुधबार विशेष अदालतमा मुद्दा दायर गरेको हो । अनुसन्धानको जाँच अवधिमा थापाको सम्पूर्ण व्यय (खर्च तथा लगानी) मा घर/जग्गा खरिद,विभिन्न बैङ्क तथा वित्तीय संस्थाहरूबाट उपभोग गरेको कर्जा/ऋणको साँवा व्याज तिरेको रकम,जीवन बीमा प्रिमियम भुक्तानीमा भएको खर्च, विभिन्न कम्पनीहरूमा लगानी भएको खर्च,अध्ययन खर्च,शेयर खरिद खर्च,सवारी साधन खरिदमा भएको खर्च, सेवा दस्तुर बापत तिरेको रकम र बैंक मौज्दात रकमसमेत गरी १३ करोड २० लाख तीन हजार तीन सय ९१ रुपैयाँ ८४ पैसा खर्च तथा लगानी भएको देखिन्छ । त्यसमध्ये मध्ये पाँच करोड ३३ लाख ५३ हजार एक सय ८९ रुपैयाँ ६६ पैसाको स्रोत नखुलेको आयोगको अनुसन्धानबाट खुलेको छ ।

त्यस्तै आयोगका अनुसार थापाको वैध आय सात करोड ८६ लाख ५० हजार दुई सय एक रुपैयाँ ४८ पैसा देखिन्छ । यसरी कुल वैधानिक आयलाई थापाले गरेको कुल व्ययसँग तुलना गर्दा उनको आयस्रोत र आर्जन गरेको सम्पत्तिबिच तादात्म्य नदेखिएको र सम्पत्ति ऋणात्मक देखिएको आयोगको अनुसन्धानबाट खुलेको छ । सार्वजनिक पद धारण गरेका मेयर थापाले सार्वजनिक पदको दुरुपयोग गरी पाँच करोड ३३ लाख ५३ हजार एक सय ८९ रुपैयाँ ६६ पैसाका गैरकानुनी सम्पत्ति आर्जन गरी भ्रष्टाचार गरेको आयोगले जनाएको छ ।

यस्तै उनीविरुद्ध आयोगले भ्रष्टाचार निवारण ऐन, २०५९ को दफा २० को उपदफा (१) बमोजिमको कसुर पुष्टि हुन आएको भन्दै बिगोसहित जरिवाना र कैद सजायको मागदावी लिएको छ । थापाले सार्वजनिक सेवाको पदमा रहँदाका बखत गैरकानूनी रूपमा आर्जन गरेको सम्पत्तिबाट एकासगोल परिवारका सदस्यहरू श्रीमती रेश्मी कुमारी घिमिरे थापा,भाइ राम कुमार थापा र भाइ बुहारी द्वारिका राउतको नाममा खरिद गरिएका घरजग्गा,विभिन्न कम्पनीमा गरेको लगानी,शेयर खरिद,जीवन बीमा प्रिमियम भुक्तानी र बैंक खातामा मौज्दात रकम लगायतमा गरिएका खर्च बरावरको स्रोत नखुलेको आयोगले जनाएको छ ।

त्यस्तै आयोगका प्रवक्ता नरहरि घिमिरेका अनुसार थापाले गैरकानुनी रुपमा आर्जन गरेको सम्पत्तिबाट श्रीमती, भाइ र बुहारीको नाममा घरजग्गा खरिद गरेको देखिन्छ । अख्तियार दुरुपयोग अनुसन्धान आयोग ऐन, २०४८ को दफा २९ (ख) बमोजिम जफत गर्ने प्रयोजनार्थ मात्र निजहरू रेश्मी कुमारी घिमिरे थापा, राम कुमार थापा र द्वारिका राउतलाई प्रतिवादी कायम गरेको छ ।

यस्तै उनीहरूको नाममा हाल कायम रहेको सम्पत्ति र त्यसबाट बढे बढाएको सम्पत्तिबाट बिगो जफत/असुल उपरगरी पाउनसमेत मागदाबी लिइएको प्रवक्ता घिमिरेले बताए ।