बिश्वव्यवापी रुपमा फैलिरहेको कोरोना संक्रमण सतर्कता अपनाउन गुल्मी जिल्लालाई सोमबार रातिदेखि लकडाउन गरिने भएको छ । जिल्ला प्रशासन कार्यालय गुल्मीले एक सार्बजनिक सूचना जारी गरि मालबाहक गाडीबाहेक अन्य निजी सार्वजनिक, भाडाका सवारीसाधन र मोटरसाइकल पनि रातिदेखि अर्को सूचना नभएसम्मका लागि पूर्णरुपमा आवतजावतमा प्रतिबन्ध लगाइएको छ । प्रमुख जिल्ला अधिकारी भरतकुमार शर्मा द्धारा जारी सूचनामा मालबाहक गाडीमा चालक र सहचालकमात्रै बस्न पाउने उल्लेख गरिएको हछ । चालक र सहयोगीलाई चेकजाँच गरी आवश्यक परेमा क्वारेन्टाइनमा राख्ने जारी सूचनामा उल्लेख गरिएको छ ।
खाद्ययन्न, तरकारी, फलफुल, दुध, पानी, औषधी,बोक्ने मालवाहक गाडी, र एम्बुलेन्स बाहेक मोटरसाइकलसहित अन्य सम्पूर्ण सवारी साधनलाई पूर्ण रुपमा रोक लगाइएको प्रमुख जिल्ला अधिकारी भरतकुमार शर्माले बताए । अस्पताल, औषधि पसल र पेट्रोलपम्प २४ सौं घण्टा खुला रहनेछन् । खाद्यान्न, ग्यास, तेल, फलफुल पसल प्रत्येक ५ बजेदेखि ७ बजेसम्म मात्रै खुला हुनेछन् ।