Gsb

Hl1

Usb

Tsb

Ssb

ptl

Nps

Rgu

दाङ । देउखुरीको लमही नगरपालिका वडा नम्बर ५ सुनखोलीमा निर्माण गरिएको पक्की घर हस्तान्तरण गरिएको छ । जनता आवास कार्यक्रम अन्तरगत निर्माण भएको पक्की घर घरधनी अनिशा खातुनलाइ हस्तान्तरण गरिएको हो ।

बिहीबार लुम्बिनी प्रदेश सभा सदस्य माननीय सांसद रेवतीरमण शर्माले घरको ताला,चाबी हस्तान्तरण गर्दै जसको कोही छैन उसको पक्षमा आफुहरु रहेको बताउनु भएको थियो ।

त्यस्तै घर हस्तान्तरण कार्यक्रममा नेकपा एमालेका नेता रतनकुमार केसी,अब्जल अलि,लमही नगरपालिका–५ का वडा सदस्य जगनारायण चौधरी,नगर सचिव भानु जोशी,गोपाल विक लगायतको उपस्थिति रहेको थियो । कार्यक्रमको सहजिकरण लमही खानेपानीको उपभोक्ता तथा सरसफाइ संस्थाका सचिव सनमकुमार पौडेलले गर्नु भएको थियो ।

जनता आवास कार्यक्रम मार्फत चालु आर्थिक बर्षमा सांसद शर्माको क्षेत्रमा २२ वटा घर बन्दैछन् । यस अघि झण्डै एक सय वटा पक्कि घर निर्माण गरेर हस्तान्तरण गरिसकिएको छ ।