Tsb

Gsb

Usb

Ssb

Hl1

Rgu

Nps

ptl

दाङ । दाङमा एक लाख ९७ हजार रुपैयाँ नगद सहित ६ जना जुवाडे पक्राउ परेका छन् । गयराति साढे १० बजे घोराही १३ डुम्मर गाउँ निवासी ३२ वर्षिय निमबहादुर भण्डारीको घरमा अवैध रुपमा जुवा खेलिरहेको अवस्थामा एक लाख ९७ हजार रुपैयाँ सहित ६ जना जुवाडेलाई पक्राउ गरेको जिल्ला प्रहरी कार्यालय दाङका प्रवक्ता मुकुन्द प्रसाद रिजालले जानकारी दिनुभएको छ ।

त्यस्तै पक्राउ पर्नेमा घोराही उपमहानगरपालिका १३ डुम्मर गाउँका ३२ वर्षिय निमबहादुर भण्डारी, रोल्पाको माडी गाउँपालिका ४ का ५७ वर्षिय रणे वली, सोही गाउँपालिका ३ का ४० वर्षिय कुल बहादुर खड्का, सोही ठाउँ कै ३० वर्षिय रामकृष्ण खड्का, ४० वर्षिय राजेश वली र रोल्पा परिर्वतन गाउँपालिका ४ का ३८ वर्षिय ललित बुढा रहेको प्रहरीले जनाएको छ ।

यसैगरी अवैध रुपमा पैसाको हारजित हुने गरी जुवा खेलिरहेकाहरुकोे साथबाट एक लाख ९७ हजार सात सय ५५ रुपैँया नगद र ५ गड्डी खोलेको र ५ गड्डी नखोलेको तास बरामद गरेको छ । उनीहरुलाई पक्राउ गरी थप अनुसन्धान भैरहेको प्रहरीको भनाइ छ ।