दाङ । रोल्पाको रुन्टिगढी गाउँपालिका वडा नं. ९ का मृथ्वी पुनकी छोरी ११ वर्षिया अनिसा र जालन्दर कार्कीकी छोरी १२ वर्षिया विपना कार्की आज विहान दाङ घोराहीको नयाँ बसपार्कमा फेला परेका हुन ।
उनीहरुलाई अस्थाई प्रहरी पोष्ट नयाँ बसपार्कले शुक्रबार विहान ८ बजे फेला पारेको थियो । उनीहरु हिजो साँझ ५ बजे घरदेखि बेपत्ता भएका थिए । दुबै जनालाई फेला पारी अभिभावकको जिम्मा लगाएको जिल्ला प्रहरी कार्यालय दाङका प्रहरी प्रमुख एसपी सुरेश काफ्लेले जानकारी दिनुभएको छ ।