दाङ । रेडियो राप्ती तथा राप्ती टेलिभिजनका सहायक स्टेशन म्यानेजर तथा सहायक समाचार प्रमुख सन्तोष कुमार गुप्ताले रक्तदान गर्नु भएको छ । गुप्ताले आफ्नो ३२ औं जन्म दिनको अवसरमा नेपाल रेडक्रस सोसाइटी रक्त सञ्चार सेवा केन्द्र लमहीमा पुगेर रक्तदान गर्नु भएको हो ।

“रक्तदान जीवन दान” भन्ने कुरालाई आत्मसाथ गर्दै समाजमा सामाजिक कार्य गरौं भन्ने संदेश पुगोस भनेर आफुले रक्तदान गरेको गुप्ताले बताउनु भयोे । त्यसै गरी गुप्ताले राप्ती गाउँपालिका ८ पिपरीमा रहेको निलसागर सेवा आश्रममा सडक आश्रिम आमाबुवाहरुलाई फलफूल र मिठाई वितरण समेत गर्नु भएको छ । आश्रममा गएर गुप्ताले फलफूल र मिठाई प्रदान गरेर आर्शिवाद लिनु भएको छ ।

जन्म दिनमा बढ्दै गैरहेको बिकृतीलाई रोक्न म जस्ता जिम्मेवार सबै युवाले रक्तदान गर्नु पर्ने गुप्ताले भन्नु भयो । रगतको अभावले कसैले पनि अकालमा ज्यान गुमाउँन नपरोस, रगतको अभावमा छट्पटाईरहेका बिरामीले सहजै रगत पाओस भन्ने मनसायले रक्तदान गरेको उहाँको भनाई छ । त्यस्तै आश्रममा रहेका बेसहारा आमा बुवाहरुलाई उहाँहरुको स्वास्थ्यमा केहि फाइदा गरोस भन्नका लागि आफुले फलफूल प्रदान गरेको बताउनु भयो ।