काठमाडौं । नेपालमा एकैदिन १४ जना कोरोना भाइरस (कोभिड-१९) का संक्रमित थपिएका छन् । उदयपुरमा १२ जना र चितवनमा दुई नेपालीमा कोरोना संक्रमण भेटिएको स्वास्थ्य तथा जनसंख्या मन्त्रालयले पुष्टि गरेको छ ।मन्त्रालयले नेपाल थप १४ जना नयाँ कोरोना संक्रमित भेटिएको आफ्नो आधिकारीक फेसबुक पेज मार्फत जानकारी दिएको हो । मन्त्रालयका अनुसार उदयपुर जिल्लामा संक्रमित हुने पुरुषहरु ३४, २९, २६, २२, २५, २०, ४० र २९ बर्षीय छन्। यस्तै चितवन जिल्लामा २७ वर्षीय पुरुष र ६३ बर्षिय महिलामा संक्रमण देखिएको हो।एकैदिन ठूलो संख्यामा कोरोनाको संक्रमण देखिएको नेपालमा पहिलोपटक हो । यससँगै नेपालमा कोरोना भाइरसबाट संक्रमितको संख्या ३० पुगेको छ। अहिलेसम्म संक्रमितमध्ये एकजना मात्र निको भएर घर फर्केका छन्। बाँकीको उपचार चलिरहेको छ।कैलालीको धनगढीमा ५ जना, टेकुस्थित अस्पतालमा २ जना, पाटन अस्पतालमा २ जना, वीरगञ्जमा ४ जना र बाग्लुङमा २ जना संक्रमितको आइसोलेसनमा राखेर उपचार भइरहेको छ।