Rms

mmsb

Rgs

mbd

nakb

Jmg

apb

tvs

दाङ । राजपुर गाउँपालिका वडा नम्बर ६ को वडा कार्यालयले आफ्नो वडा भित्रमा रहेको ६ वटा विद्यालय र क्लबका खेलाडीलाई बुधबारदेखि खेलकुद सामग्री वितरण गर्ने कार्य सुरु गरेको छ ।

आर्थिक वर्ष २०७७/०७८ मा विनियोजित कुल दुई लाख बजेटद्वारा वडा कार्यालयले आज देउखुरी क्षेत्रमा रहेको विद्यालयका शिक्षक प्रतिनिधि र क्लबका पदाधिकारीलाई वडा कार्यालयमा बोलाएर उक्त खेलकुदका सामग्री वितरण गरेको हो ।सो वडाका अध्यक्ष श्याम बहादुर रोका,वडा सदस्यहरु दिलमती ओली,सुरेन्द्र रोका,सन्ध्या नेपाली,रामबिलासु चौधरी वडा सचिव लक्ष्मी चौधरीको उपस्थितिमा क्लबलाई ड्रेस,भलिबल नेट र फुटबल प्रदान गरिएको छ भने विद्यालयलाई खेलकुदका सामग्रीहरु हस्तान्तरण गरिएको छ ।

त्यस्तै वडा कार्यालयले उक्त खेलकुदका सामग्रीहरु पहिलेनै खरिद गरि राखेको भएपनि वर्षाको कारणले तत्काल वितरण गर्न नसकिएको र आज मात्र सो सामग्रीहरु वितरण गर्ने कार्य सुरु गरिएको वडा कार्यालय जनाएको छ । यस्तै नाका क्षेत्रमा १/२ दिन भित्रमा सम्पुर्ण सामग्रीहरु वितरण गर्ने वडा अध्यक्ष श्याम रोकाले जानकारी दिनु भएको छ ।