शिबराज पन्थी/गढवा मंगलबार, आषाढ २९, २०७८

दाङ । देउखुरीको गढवा गाउँपालिका वडा नम्बर ६ का भरत कुमार पन्तले गाउँपालिकामा ३५ हजार ५ सय जम्मा गरेपछि ७० हजारको मिनी पावर ट्रिलर पाएको बताउनुभयो । मनिकापुर बहुउद्देश्यिय कृषि समूहका सचिव सुर्यबहादुर बुढा पनि गाउँपालिकाले पचास प्रतिशत अनुदानमा वितरण गर्न थालेको मिनीपावर टेलर चलाउदै घर जानु भयो ।

पावर टेलरले आफ्नो १०÷१५ कठ्ठा जमिन जोत्न र करेसाबारीमा तरकारी खेति गर्न सहज हुने र डिजल पनि निकै कम लाग्ने उहाँले बताउनुभयो । गढवा गाउँपालिका वडा नम्बर ७ का बिर्जा चौधरी, कालीप्रसाद चौधरी र सरिता चौधरीले पनि मंगलबार गढवा गाउँपालिकाले ५० प्रतिशत अनुदानमा वितरण गरेका पावर टेलर आफैले चलाएर घरमा लैजानु भयो । सरकारले आधा रकम सहुलियतमा पावर टेलर प्राप्त गराएकोमा उहाँहरु खुसी भएको बताउनुभयो । पन्त बुढा र चौधरीले जस्तै गढवा गाउँपालिकाबाट २५ जना किसान, समुह र सहकारीहरुले २५ थान पावर टेलर प्राप्त गर्दा खुसी भएर घर फर्किएका हुन् ।मंगलवार गढवा गाउँपालिकाले आयोजना गरेको एक कार्यक्रमका बिच अध्यक्ष सहजराम यादव,उपाध्यक्ष शान्ती चौधरी र प्रमुख प्रशासकीय अधिकृत लालबहादुर योगीले किसानहरुलाई मिनीपावर टे«लर,च्याङ्फा र धानकाट्ने रिपर मसिन वितरण गर्नुभएको हो । लुम्बिनी प्रदेश सरकारको कोभिड बिशेष कृषि कार्यक्रम अन्तर्गत गढवा गाउँपालिकाले मंगलबार किसानहरुलाई ५० प्रतिशत अनुदानमा मिनीपावर ट्रेलर,च्याङ्फा र धानकाट्ने रिफर मसिन वितरण गरेको छ । किसानहरुलाई प्रदेश सरकार र स्थानीय सरकारले साना कृषि औजार तथा उपकरण वितरण गरि कृषिमा आत्मनिर्भर बनाउने र आयआर्जनमा टेवा पुरयाउने उद्देश्य राखेको गाउँपालिकाका अध्यक्ष सहजराम यादवले बताउनुभयो ।गढवा गाउँपालिका कृषि बिकास शाखाको समन्वय सहकार्यमा ५० प्रतिशत अनुदानमा किसानहरुलाई मसिनरी औजारहरु वितरण गरिएको कृषि अधिकृत सिसीर रेग्मीले जानकारी दिनु भयो । शाखाले ५० प्रतिशत अनुदानमा २२ जना किसानहरुलाई एक–एक थानका दरले २२ थान २ हर्षपावरका मोटर र ७ हर्षपावर क्षमताका २५ थान मिनी पावर ट्रेलर वितरण गरेको जनाएको छ । यसैगरी २ थान धान काट्ने रिफर मसिन र ५ थान च्याङ्फा धानपाकेट क्षेत्रका सहकारी तथा समूहलाई वितरण गरिएको शाखाका प्रमुख कर्ताराम यादवले जानकारी दिनु भयो ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन
प्रमुख सम्बाददाताहरु: शिवराज पन्थी,सुशीला (ओली) गिरी,जयप्रकाश पौडेल,सम्बाददाताहरु: टोपेन्द्र खनाल, इराधा झाक्री मगर,शिव बस्नेत,सल्लाहकारहरु:बिपुल पोख्रेल,उदय जि.एम

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधापत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८४९८८७५१४
# इमेल :- [email protected]