Hl1

Usb

Gsb

Ssb

Tsb

Nps

ptl

Rgu

दाङ । तुलसीपुर उपमहानगरपालिकाले सञ्चालन गरेको तुलसीपुर मेट्रो कलेजको भवन शिलन्यास गरिएको छ । नगरप्रमुख घनश्याम पाण्डे र उपप्रमुख माया शर्माले भवनको संयुक्त रुपमा शिलन्यास गरेका हुन् ।

त्यस्तै तुलसीपुरलाई शिक्षाको केन्द्रका रुपमा विकास गर्नका लागि उपमहानगरपालिकाले कलेज सञ्चालन गरेको हो ।५ करोड ३४ लाखमा टेण्डर भएको भवन थोडुङ्ग निर्माण कम्पनीले ३ करोड ९६ लाखमा ठेक्का पारेको थियो । निर्माण कम्पनीले १८ महिनाको म्याद भएपनि एक वर्षभित्रमा निर्माण सम्पन्न गर्ने जनाएको छ ।

भवनको शिलन्यास गर्दै नगरप्रमुख पाण्डेले भवन निर्माणसँगै तुलसीपुरमा शिक्षाको क्षेत्रमा थप आयाम थपिएको वताए । “संरचना निर्माणसँगै कलेजले कार्यक्रम पनि विस्तार गर्नेछ” नगरप्रमुख पाण्डेले भने ।

कलेज प्रमुख वसन्त आचार्यले आगामी वर्षबाट कलेजमा केही नयाँ कार्यक्रम थप हुन लागेको वताए । शिलन्यास कार्यक्रमा उपप्रमुख माया शर्मा आचार्य, कलेज सञ्चालक समिति सदस्य नवराज लामिछाने, सुर्यवहादुर डाँगी, कुमार लामिछाने, इन्जिनियरि पवन योगी लगायतले मन्तव्य राखेका थिए । साभार तुलसीपुर अनलाइन