Jmg

nakb

Rgs

mmsb

Rms

mbd

tvs

apb

दाङ । देउखुरीको राजपुर गाउँपालिका वडा नम्बर ३ वसन्तापुरमा ७४ घरधुरीलाई ग्यास सिलिन्डर सहित चुल्हो बितरण गरिएको छ । ग्यास सिलिन्डर तथा चुल्हो बितरण कार्यक्रमका प्रमुख अतिथि गाउँपालिका अध्यक्ष लोकराज केसीले ग्यास चुल्हो बितरण गर्दा एकातर्फ बन जोगिने र अर्को तर्फ गृहिणिहरुलाई धेरै नै सहज हुने बताए ।

त्यस्तै महिलाहरुलाई गुईठो दाउरा आदिले खाना बनाउदा असहज हुने समय पनि धेरै खर्चिने भएकोले महिलाहरु अन्य कामका लागि पनि समय निकाल्न नसक्ने प्रवृत्तिको अन्त्य भएको केसिको भनाइ छ । “धुवाँले गर्दा महिलाहरुलाई धेरै प्रकारको स्वास्थ सम्बन्धि समस्या स्वासप्रस्वास सम्बन्धि रोग लाग्ने गरेकोले सिलिन्डर र ग्यास चुल्हो बितरणले त्यस्ता समस्याको अन्त्य भयो “- केसिले भने ।

सोही अबसरमा विशिष्ट अतिथि गाउँपालिकाको उपाध्यक्ष धनपति यादबले महिला लक्षित कार्यक्रममा पालिकाले ध्यान दिएको बताउदै महिलालाई अझ ससक्त बनाउन जनचेतना मुलक कार्यक्रम ल्याउने बताईन । कार्यक्रमका अतिथि रहेका वडा नम्बर ३ का वडाध्यक्ष राम छोरे यादबले वडाका जनताको चाहना अनुरुप यो कार्यक्रम ल्याएको र जनचाहना अनुसारको नै योजना ल्याउनेमा आफ्नो पहिलो प्राथमिकता रहने बताए । वडाबाट प्रदान गरिएको सिलिन्डर ग्यास र चुल्हो बुझ्दै बसन्तापुर निवासी सान्ती बिकले महिलालाई घरायसीकाममा सजिलो भएको भन्दै खुसी व्यक्त गरिन ।

खरिद तथा बितरण उपभोक्ता समितिका अध्यक्ष बिन्तिराम यादबको अध्यक्षताबाट सुरुभएको कार्यक्रमको सहजिकरण वडा नम्बर ३ का वडा सचिब जमुना चौधरीले गरेकी थिइन ।

त्यस्तै राजपुर गाउपालिकालाई धुवा मुक्त अभियानका लागि गत बर्ष पनि वडा नम्बर ५ का सम्पुर्ण घरधुरीलाई ग्यास सहित चुल्हो बितरण गरिएको थियो ।