दाङ । आज नेपाल पत्रकार महासंघका केन्द्रीय अध्यक्ष विपुल पोख्रेल चढेको गाडी दुर्घटनामा परेको छ । पोख्रेलको गाडी बुधबार अपरान्ह जेसिज चोक नजिक दुर्घटनामा परेको हो । गाडीमा अध्यक्ष पोख्रेल सहित महासंघ जिल्ला दाङका अध्यक्ष दुर्गालाल केसी,सल्लाहकार सुदिप गौतम,उपाध्यक्ष सन्तोष सुवेदी सवार रहनु भएको थियो । सवार मध्ये गौतमको टाउकोमा सामान्य चोट लागेको छ ।
त्यस्तै अहिले गौतमको राप्ती प्रादेशिक अस्पताल तुलसीपुरमा उपचार भइरहेको छ । रा १ च ९५५ नम्बरको स्कारपिओले पोख्रेलको गाडीलाई ठक्कर दिएको हो । गाडीलाई पूर्ण रुपमा क्षति पुगको छ । पोख्रेल प्रदेश नं. ३ ०१००२ च ९२२६ नम्बरको गाडीमा सवार रहनु भएको थियो ।