Ssb

Hl1

Tsb

Gsb

Usb

Rgu

ptl

Nps

भारतबाट आएर सीमा क्षेत्रमा अलपत्र परेका नेपाली नागरिकहरुलाई प्रदेश ५ सरकारले उद्धार गर्ने भएको छ। बैठकले सिमामा अलपत्र परेकाहरुलाई उद्धार गरी संवन्धित जिल्ला पठाउने र ती नागरिकलाई सम्बन्धित स्थानीय तहले क्वारेन्टाइनमा राख्ने र खानपिनको व्यवस्था गर्ने निर्णय समेत गरेको छ ।सोमबार बसेको मन्त्री परिषद्को बैठकले कोरोनाको महामारीको बेला निर्माण क्षेत्रमा काम गर्ने मजदुरलाई घर पठाउनका लागि जिल्ला प्रशासन कार्यालयले यातायातका साधनको पास र सम्बन्धित निर्माण कम्पनीले गाडीको व्यवस्था गर्नुपर्ने निर्णय गरेको
हो । साथै बैठकले खेती स्याहार्ने बेला भएकाले कृषि प्रयोजनमा प्रयोग हुने थ्रेसर, कम्वाइन मेसिनलगायत गाउँ र नगरपालिकाभित्र कार्यकारी अधिकृतले तथा जिल्लाभित्र र बाहिरका लागि प्रमुख जिल्ला अधिकारीले पासको व्यवस्था मिलाउनुपर्ने निर्णय पनि बैठकले गरेको छ । त्यस्तै,बैठकले प्रदेश ५ का ३ स्थानमा कोरोना भाइरसको परिक्षण प्रयोगशाला समेत स्थापना गर्ने निर्णय गरेको छ । बैठकले तीन दिनभित्रै प्रयोगशाला स्थापना गर्ने निर्णय गरेको हो। बैठकले दाङ स्थित राप्ती स्वास्थ्य विज्ञान प्रतिष्ठान, भैरहवाको गहुँ बाली अनुसन्धान केन्द्र परिसर र नेपालगञ्जको भेरी अस्पतालमा कोरोनाको परिक्षण प्रयोगशाला स्थापना गर्ने निर्णय गरेको छ ।
बैठकले १२ वटै जिल्ला प्रशासन कार्यालयमार्फत् एम्वुलेन्स चालकका लागि पिपिई उपलब्ध गराउने निर्णय समेत गरेको छ ।