Sidha Patra बिहिबार, चैत्र १२, २०७७

दाङ । कोरोना भाइरस संक्रमणको जोखिम बढेको भन्दै जिल्ला प्रशासन कार्यालय दाङले मेला, महोत्सव र भीडभाड नगर्न आग्रह गरेको छ ।

कार्यालयले आज एक सुचना जारि गर्दै भारत लगायतका देशमा कोरोना संक्रमण बढेकाले दाङ जिल्ला खुल्ला सिमानाको कारण सिमानाकाहरुबाट मानिसको आवतजावत बढिरहेको र शहर एवं ग्रामीण क्षेत्रमा समेत मानिसको भिडभाड हुने गरेकोले सचेत रहन आग्रह गरेको हो ।

त्यस्तै गृह र स्वास्थ्य तथा जनसंख्या मन्त्रालयको पत्र अनुसार जिल्लामा भिडभाड र मेला महोत्सव गर्नु उचित नदेखिएको कार्यालयको भनाइ छ । कोभिड–१९ को जोखिमबाट बच्न नेपाल सरकारबाट जारी भएका स्वास्थ्य सुरक्षा लगायतको मापदण्ड पालना गर्न सबैलाई अनुरोध गर्ने तथा मापदण्ड उल्लघंन गर्नेहरुलाई संक्रामक रोग, २०२० बमोजिम कारबाही गर्ने कार्यालयको भनाई छ । फागु पूर्णिमा (होली) को अवसरमा भिडभाड हुन नदिन स्वास्थ्य तथा सुरक्षा सम्बन्धि मापदण्डको पालना गरेर मात्र सुरक्षित रुपमा पर्व मनाउन आग्रह गरेको छ ।

त्यसैगरी,जिल्ला प्रशासन कार्यालय दाङबाट विभिन्न कार्यक्रमहरु संचालन गर्नका लागि यसअघि सहमति लिएको भएपनि उक्त अनुमति रद्ध गरिएको सहायक प्रमुख जिल्ला अधिकारी चिरञ्जिवी रानाले सुचना मार्फत जानकारी गराउनुु भएको छ ।

टीम

संचालक: मेगमन बुढा
संपादक:कृष्णे घर्ती
निर्देशक:भानु जोशी
जिल्ला ब्युरो:टेकबहादुर पुन
प्रमुख सम्बाददाताहरु:शिवराज पन्थी,जयप्रकाश पौडेल
सम्बाददाताहरु: शिवराज खनाल,टोपेन्द्र खनाल,श्रबण बस्नेत

सामाजिक संजाल

सम्पर्क

एम.बि.के.एन मिडिया प्रा.लि.
# दर्ता नं. :– २४५९/०७७-०७८
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८४९८८७५१४
# बिज्ञापन : – ९८४९८८७५१४
# इमेल :- [email protected]