Bbbpu

Rgu

nsb

Pvg

Wsp

Vor

Hal

Rsb

Asm

Ssm

Ksm

Tsm

Ggd

Sbs

Gst

Bbu

Rgu

Rgs

Sls

Jmb

Gsb

sab

Ptm

Bml

bbt

Pls

Mks

Jmb

Syp

Rpp

Rmb

Abd

दाङ । तुलसीपुर उपमहानगरपालिका वडा नम्बर ७ मोतिपुरमा रहेको राप्ती लाइफ केयर अस्पतालले महिलाहरुका लागि निःशुल्क पाठेघर तथा पेट सम्बन्धी एक दिने स्वास्थ्य शिविर गरेको छ ।

तुलसीपुर उपमहानगरपालिका–१९ को आयोजना तथा राप्ती लाइफ केयर अस्पतालको प्राविधिक सहयोगमा तुलसीपुर–१९ तोप्पापानी स्वास्थ्यचौकीमा शनिबार एक कार्यक्रमको आयोजना गरी निःशुल्क स्वास्थ्य विशिर सञ्चालन गरेको हो ।

तुलसीपुर–१९ का अध्यक्ष प्रेमनाथ योगिको अध्यक्षता तथा तुलसीपुर उपहानगरपालिकाका नगर प्रमुख टिकाराम खड्काको प्रमुख आतिथ्यता एवम् अस्पतालका अध्यक्ष हरिप्रसाद रिजाल र अस्पतालका निर्देशक दोर्ण ओलीको विशिष्ट आतिथ्यतामा कार्यक्रम भएको हो ।

त्यस्तै,सो अवसरमा प्रमुख अतिथि नगर प्रमुख खड्काले महिलाहरुलाई लक्षित गरेर पालिकाले यस भन्दा अघि पनि विभिन्न कार्यक्रमहरु गरेको बताए । उनले शिविरमा सहभागि महिलाहरुलाई रोग लुकाएर बस्नु भन्दा पाठेघरलाई कसरी जोगाउने भन्ने कुरामा ध्यान दिन आग्र गरे । प्राय महिलाहरुमा पाठेघर खस्ने समस्या देखा पर्ने गरेको बताए । उनले महिलाहरुलाई आफुमा भएको समस्यालाई नलुकाएर समयमै उपचार गर्न सुझाव दिए ।

विशिष्ट अतिथि रिजालले २१औँ शताब्दीमा आइपुग्दा पनि समाज पूर्ण रुपमा स्वास्थ्यमा सचेत हुन नसकेको बताए । विशेषगरी धेरै दिदीबहिनीहरुले लाज वा संकोचका कारण समयमै उपचार नगरी रोग लुकाएर बस्दा मृत्युजस्तो गम्भीर अवस्थासँग संघर्ष गर्नुपरेको उनको भनाई छ ।

साथै उनले अस्पताल र तुलसीपुर उपमहानगरपालिका–१९ बीच भएको सम्झौता अनुसार वडाका नागरिकहरूलाई अस्पतालका विभिन्न सेवामा १० देखि २५ प्रतिशतसम्म छुट प्रदान गरिने घोषणा पनि गरे । आर्थिक अवस्था कमजोर भएका नागरिकहरुलाई निःशुल्क रुपमा उपचार सेवा प्रदान गर्ने प्रतिबद्धता समेत व्यक्त गरे । वडा अध्यक्ष योगीले ग्रामीण भेगका महिलाईहरुलाई लक्षित गरेर कार्यक्रमको आयोजना गरेको बताए । उनले डाक्टर भगवान सरह भएकाले आफुमा भएको समस्या नलुकाइन ढुक्क भएर सेवा लिन आग्रह गरे ।

शिविरमा स्त्री तथा प्रसूति रोग विशेषज्ञ डा. विनोद सिंहले पाठेघरको मुखमा हुने समस्याहरूको पहिचान गरी समस्या देखिएका महिलाहरुलाई परामर्श दिएको बताए । उनले भिआइए प्रविधिमार्फत चेकजाँच गर्दा रिपोर्ट पोजेटिभ देखिएका महिलाहरुलाई थप उपचारका लागि अस्पतालमा बोलाई थर्मोकोआगुलेसन विधिबाट उपचार गरिने जानकारी दिए । यस्तै शिविरमा डा. रितेश शर्माले पेट दुख्ने, टाउको दुख्ने, ज्वरो, खोकी, प्रेसर, सुगर तथा हाडजोर्नी सम्बन्धी रोगहरुको जाँच तथा परामर्श सेवा प्रदान गरेका हुन् ।

नर्सिङ इन्चार्ज सरु चैधरीले शिविरमा उपस्थित महिला दिदिबहीनीहरुलाई स्तन क्यान्सर, पाठेघरको क्यान्सरबाट कसरी बच्ने भन्ने बारे परामर्श गरे । शिविरमा २ सय ५० जनाभन्दा धेरैको चेकजाच गरिएको थियो । प्राय महिलाहरुमा पाठेघरको समस्या देखा परेको अस्पतालले जनाएको छ ।

समस्या देखिएका विरामीहरुलाई निःशुल्क औषधि वितरण पनि गरिएको थियो । शिविरमा अस्पतालका इमरजेन्सी इन्चार्ज तुलराज बराल, फार्मेसीका स्टाफ विष्णु वली,इमरजेन्सीका स्टाफ माया चौधरी लगाएतको उपस्थिती रहेको थियो । वडा सदस्य रेवति विकको स्वागत मन्तव्यबाट सुरु भएको कार्यक्रमको सहजिकरण वडा सदस्य राम बहादुर पौडेल गरेका थिए ।