दाङ । राजपुर गाउँपालिका गाउँपालिका वडा नम्बर २ मटेरियास्थित सोमईथान एल.एच एकेडेमीले शैक्षिक सत्र २०८२ को वार्षिक परीक्षामा कक्षा ५ तर्फ उल्लेखनीय सफलता हासिल गरेको छ । विद्यालयका अनुसार परीक्षामा सहभागी सबै विद्यार्थी उत्तीर्ण हुँदै १०० प्रतिशत नतिजा ल्याउन सफल भएका हो ।

त्यस्तै उक्त परीक्षामा सहभागी विद्यार्थीहरुमध्ये ९ जनाले A+ ग्रेड तथा अन्य ५ जनाले A ग्रेड प्राप्त गरेका छन् । विद्यालयले यस उपलब्धिलाई विद्यार्थी,शिक्षक तथा अभिभावकको संयुक्त प्रयासको परिणामका रुपमा लिएको छ ।

विद्यालय व्यवस्थापन समितिकी अध्यक्ष संगीता पाण्डेले परीक्षामा सहभागी भई सफल भएका सम्पूर्ण विद्यार्थीहरुलाई हार्दिक बधाई तथा शुभकामना व्यक्त गरेकि छिन् । साथै, विगतका वर्षहरुमा जस्तै विश्वास र सहयोग गर्दै आएका सम्पूर्ण अभिभावकप्रति आभार व्यक्त गर्दै उनले नयाँ वर्ष २०८३ को अवसरमा शुभकामना समेत दिइएकी छिन् । विद्यालयले आगामी दिनमा अझ उत्कृष्ट शैक्षिक उपलब्धि हासिल गर्ने प्रतिबद्धता समेत व्यक्त गरेको छ ।