शिवराज खनाल बिहिबार, फाल्गुण १३, २०७७

दाङ । काम र दामको खोजीमा दिनहुँ विदेशिरहेका युवाहरुका लागि लमही नगरपालिका-१ का युवा कमल पुन उदाहरणीय पात्र बन्नु भएको छ । दश बर्ष बैदेशिक रोजगारीका क्रममा साउदीमा बस्नु भएका पुन अहिले स्वदेशमै बंगुरपालन व्यवसायमा लाग्नु भएको हो ।

उहाँले बार्षिक १० लाख रुपैयाँ आम्दानी गर्ने गरेको बताउनु भयो । पहिले १० बर्ष विदेशमा बसेर आफ्नो पसिना बगाउने काम गर्नु भयो तर त्यहाँ बस्दा मन कत्ति पनि सन्तुष्ट भएन उहाँले भन्नु भयो । अहिले स्वदेशमै केही गर्नु पर्छ भनेर बंगुरपालनमा लागेको छु । विदेशमा श्रम धेरै गरेपनि श्रमअनुसारको मूल्य पाउन नसकेको बताउनु भयो । स्वदेशमै केही गर्ने उद्देश्यले विदेशलाई माया मारेर स्वदेशमै बंगुरपालन गर्न थाल्नु भएको छ ।

करिब १० लाखको लगानीबाट व्यवसाय शुरु गर्नु भएका पुनले आगामी दिनमा यसलाई समेत बढाउँदै लैजाने बताउनु भयो । दश लाखबाट व्यवसाय शुरु गरेको थिए,गतबर्ष १८ लाख बराबरको बंगुर बिक्री गरे,उहाँले भन्नु भयो । यसबाट १० लाख रुपैयाँ नाफा कमाउन सफल भए । घरको दैनिक गुजारा चलाउन समस्या परेपछि पढाई छोडेर विदेशिनु भएका पुन अहिले आफ्नो व्यवसायबाट सन्तुष्ट हुनुहुन्छ ।

घरको कमजोर आर्थिक अवस्थाका कारण पढाईलाई अघि बढाउन सकिएन,जसले गर्दा पढाईलाई बीचमै छोडेर बिदेशिनुपरेको थियो,उहाँले भन्नु भयो । केही समय विदेश बसेर कमाएको पैसाले स्वदेशमै केही गरौं भन्ने सोचअनुसार बंगुर व्यवसाय गरेको हुँ । अहिले राम्रै छ । आफ्नो व्यवसायबाट घर परिवारसमेत खुशी भएको उहाँले बताउनु भयो ।

बंगुरपालनका लागि करिब १ कट्ठा जग्गा भाँडामा समेत लिउनु भएको छ । फर्ममा २१ माउँ बंगुरसहित २ वटा भाले र २४ ओटा बच्चाहरु छन् । उहाँले प्रतिबंगुरका पाठालाई ५ हजारका दरले बिक्री गर्ने गर्नु भएको छ । पुनले पालेको बंगुरपालन व्यवसायलाई प्राविधिक सहयोग गरिरहनु भएका भेटनरियन मुकेश अधिकारीले व्यवसाय राम्रो भएको बताउनु भयो ।

विदेश गएर फर्केका युवाको पशुपालनमा आकर्षण बढ्दो छ,यो राम्रो हो,अधिकारीले भन्नु भयो । जस अनुसार मैले पनि अहिले पुनलाई बंगुरपालनमा प्राविधिक सहयोग गरिरहेको छु ।’ बंगुरपालन व्यवसायबाट कम लगानीमा राम्रो आम्दानी गर्न सकिने भएपछि धेरैको आकर्षणसमेत बढेको छ ।

हाम्रो टीम

संचालक: मेगमन बुढा
संपादक:कृष्ण जि.एम
निर्देशक:भानु जोशी
क्राईमबिट प्रमुख:सागर थापा
जिल्ला ब्युरो:टेकबहादुर पुन
प्रमुख सम्बाददाताहरु: शिवराज पन्थी,सुशीला (ओली) गिरी,जयप्रकाश पौडेल,सम्बाददाताहरु: टोपेन्द्र खनाल, इराधा झाक्री मगर,शिव बस्नेत,सल्लाहकारहरु:बिपुल पोख्रेल,उदय जि.एम

सामाजिक संजाल

सम्पर्क

एम.बि.के.एन मिडिया प्रा.लिद्वारा संचालित सिधापत्र डटकम
# दर्ता नं. :– २४५९/०७७-०७८
#कम्पनी दर्ता नम्बर:- २४५५०७
# ठेगाना :- राजपुर गा.पा-२ दाङ,लुम्बिनी प्रदेश नेपाल
# सम्पर्क : – ९८५७८४०५१७
# बिज्ञापन : – ९८४९८८७५१४
# इमेल :- [email protected]