दाङ । देउखुरीको लमहीमा तिर्सना ब्युटीपार्लर सोमबार उद्घाटन भएको छ ।

राजपुर गाउँपालिका वडा नम्बर–७,घर भई हाल लमही नगरपालिका–६,मा बसोबास गर्दै आएकी तिर्सना वलीले लमही नगरपालिका–५,देउपुर रोडमा ‘तिर्सना ब्युटीपार्लर’ सञ्चालनमा ल्याएकी हुन् ।

उक्त ब्युटीपार्लरको उद्घाटन लमही खानेपानीका पूर्व अध्यक्ष काँशिराम डाँगीले औपचारिक रुपमा गरेका हुन् । उद्घाटन समारोहमा स्थानीय समाजसेवी,व्यवसायी,तथा महिलाहरुको उल्लेखनीय उपस्थिति रहेको थियो ।

त्यस्तै पार्लरको उद्घाटन कार्यक्रममा बोल्दै अध्यक्ष डाँगीले ब्युटीपार्लर व्यवसायले स्वरोजगारको अवसर सिर्जना गर्नुका साथै महिलाहरुको सशक्तीकरणमा पनि टेवा पुग्ने बताएका छन् ।

संञ्चालक तिर्सना वलीका अनुसार,तिर्सना ब्युटीपार्लरले स्तरीय सेवा दिने उद्देश्यका साथ सञ्चालनमा ल्याइएको हो । उनले ब्युटी तथा हेयर कटिङ,मेकअप, फेशियल लगायत विविध सेवा उपलब्ध गराउने जानकारी दिएकी छिन् ।