दाङ । राष्ट्रिय स्वतन्त्र पार्टी (रास्वपा)ले चलाएको हस्ताक्षर अभियानमा हाम्रो नेपाली पार्टी (लौरो अभियान)का केन्द्रीय अध्यक्ष इन्जिनियर अनन्तराज घिमिरेले हस्ताक्षर गरेर एकेबद्धता जनाएका छन् ।

इन्जिनियर घिमिरेले आइतबार घोराहीमा संचालन रहेको हस्ताक्षर अभियानमा सहभागी भएर राष्ट्रिय स्वतन्त्र पार्टी (रास्वपा)का सभापति रवि लामिछानेको पक्षमा हस्ताक्षर गरेर एकेबद्धता जनाएका हुन् ।

गठबन्धन सरकारले आफ्नो पार्टी सभापति रवि लामिछानेलाई राजनीति प्रतिशोध र पार्टीलाई समेत कमजोर बनाउनका निम्ती षड्यन्त्रपूर्ण थुनामा राखेको भन्दै रास्वपाले जनताको जनअदालतमा पुगेर हस्ताक्षर अभियान सुरु गरिएको राष्ट्रिय स्वतन्त्र पार्टी(रास्वपा)का केन्द्रीय सदस्य तथा लुम्बिनी प्रदेशका सभापति देवराज पाठकले जानकारी दिए ।

त्यस्तै सत्य,न्याय संपादन मार्फत पार्टी सभापति रवि लामिछानेलाई सरकारले तत्काल रिहाई गर्नुपर्ने माग राख्दै रास्वपाले शान्तिपूर्ण ढंगले एकेबद्धता हस्ताक्षर अभियान चलाइरहेको समेत सभापति पाठकले बताए ।