दाङ । राष्ट्रिय स्वतन्त्र पार्टी (रास्वपा)लमही नगर कमिटीले आफ्नो तेस्रो स्थापना दिवसको अवसरमा शनिबार विभिन्न कार्यक्रममा गरी मनाएको छ ।

लमही नगर कमिटीको आयोजनामा शनिबार आज बिहान लमही बसपार्कमा सरसफाई गरेको थियो भने,दिउँसो रक्तदान कार्यक्रम गरेको रास्वपा लमही नगर कमिटीका उपाध्यक्ष अभिषेक पोखरेलले जानकारी दिए ।

त्यसैगरी लमही बजारमा रहको गोल घर अगाडि बेलुका पार्टीको झण्डा निर्माणगरी वरपर दीपप्रज्वलन गरेर तेस्रो स्थापना दिवस भव्य साथ मनाइएको उपसभापति पोखरेलले बताए ।

कार्यक्रममा जिल्ला सभापति विनय घिमिरे,लमही नगर कमिटी सभापति शिवलाल भण्डारी,जिल्ला सदस्य बाबुराम खनाल,नगर कमिटी सदस्य श्यामलाल भण्डारी,लमही नगरपालिका वडा नम्बर १ का वडा सभापति भूमिराम पौडेल लगायतको सहभागिता रहेको थियो ।