दाङ । दाङमा प्रहरीले २ लाख,२० हजार रुपैयाँ सहित ७ जनालाई पक्राउ गरेको छ । घोराही उपमहानगरपालिका वडा नम्बर ९ तेघरा स्थित केशरबहादुर शाहको घरमा तास खेलिरहेका ७ जनालाई प्रहरीले नियन्त्रणमा लिएको हो । प्रहरी निरीक्षक मोहज जंग बुढथापाको कमाण्डमा खटिएको प्रहरीको टोलीले २ लाख,२० हजार,७ सय रुपैयाँ नगद र ६ गड्डी तास सहित ती ७ जनालाई पक्राउ गरेका हुन् ।
त्यस्तै पक्राउ पर्नेहरुमा घरधनी केशरबहादुर शाहका छोरा प्रज्वल थापा, घोराही २ का रोहन खाती, घोराही १६ का धिरण शाह, घोराही १३ का सुनिल पुन मगर,घोराही ७ का पंकज पन्त, घोराही ९ का होमबहादुर केसी र रोल्पा त्रिवेणी ७ का विजय गाहा मगर रहेका छन् । यसैगरी पक्राउ परेकाहरुलाई जुवा ऐन अन्तरगत मुद्धा दर्ता गरी कार्वाही प्रहरी सुरु भएको प्रहरी प्रबक्ता डिएसपी मुकुन्द रिजालले जानकारी दिनु भएको हो ।