दाङ । देउखुरीको लमहीमा एकदिने पात पतिङ्गर झाडी आदी व्यवस्थापन गरि प्राङ्गारिक मल उत्पादन कार्यक्रम सम्पन्न भएको छ ।

डिभिजन न कार्यालय दाङ, देउखुरी लमहीको आर्थिक सहयोग एवम् अजम्मरी सामुदायिक वन उपभोक्ता समूहको आयोजनामा उक्त मल उत्पादन कार्यक्रम सम्पन्न भएको हो ।

अजम्मरी सामुदायिक वन उपभोक्ता समूहका अध्यक्ष पवन शर्मा रिजालको अध्यक्षता तथा लमही नगरपालिका वडा नम्बर ५ का वडाध्यक्ष ओमप्रसार सुबेदीको प्रमुख अतिथि तथा लमही नगरपालिका वन महासंघका अध्यक्ष पूर्ण बहादुर बस्नेतको विशिष्ट अतिथिमा उद्घाटन कार्यक्रमा डिभिजन वन कार्यालय दाङ, देउखुरी लमहीका वरिष्ठ वन अधिकृत उपेन्द्र अर्यालय, सामुदायिक आत्म निर्भर सेवा केन्द्र कृषि कार्यक्रमको संयोजक निलम त्रिपाटी प्रशिक्षक रहेका थिए ।

कार्यक्रममा अजम्मरी सामुदायिक वन उपभोक्ता समूहका उपभोक्ता सदस्यलाई पात पतिङ्गर झाडी आदी व्यवस्थापन गरि प्राङ्गारिक मल उत्पादनको विधि बारे जानकारी गराइएको हो । बिहिवारदेखि सामुदायिक वनको मल उत्पादन केन्द्रमा उपभोक्ता सदस्यहरुलाई रहेको पतिङ्गर झाडी आदी व्यवस्थापन गरि प्राङ्गारिक मल उत्पादनको विधि सिकाईने अजम्मरी सामुदायिक वन उपभोक्ता समूहका अध्यक्ष पवन शर्मा रिजालले जानकारी दिए ।