Shivsabari

Ggp6

Lnp9

Ggp5

Ggp3

Lnp5

Lnp3

Ggp1

Lnp2

Lnp-8

Ggp2

Lnp1

Ggp4

दाङ । मटावाँ, बरघर,भलमन्सा संघको आयोजनामा दंगीशरण गाउँपालिका ३ चखौरामा भेला हुने थारूहरूलाई सम्बोधन गर्न पूर्व प्रधानमन्त्री तथा नेपाली काँग्रेसका सभापति शेरबहादुर देउवा दाङ आइपुगेका छन् ।

देउवालाई लुम्बिनी प्रदेशका मुख्यमन्त्री चेतनारायण आचार्य,पूर्व मुख्यमन्त्री डिल्लीबहादुर चौधरीले स्वागत गरेका थिए । माघ २६ र २७ गतेसम्म थारू सांस्कृतिक सङ्ग्रहालयमा अन्तर प्रदेशस्तरीय कार्यक्रममा सांस्कृतिक तथा रैथाने खाना महोत्सवको आयोजना गरिएको छ ।

महोत्सवमा दाङ र नवलपरासीको थारू समुदायको बर्का नाच, कैलालीको मुङ्ग्रहवा र चितवनको नाच प्रस्तुत हुने छ । यस्तै मघौटा,छोक्रा,हुर्डुंग्या लगायत चार दर्जनभन्दा बढी नाच प्रस्तुत गरिने छ र यस्तै, महोत्सवमा सांस्कृतिक प्रतियोगिता एवम् थारू लगायत विभिन्न जातजातिको रैथाने परिकारको प्रदर्शनी रहनेछ । थारू परिकारमा ढिक्री,अनदी चामलको भात, रोटी, अनदीको झोल, सुँगुरको सेकुवा, सिन्कीका परिकार, आलुको अचार लगायत जनजातिहरूको रैथाने परिकार बिक्री तथा वितरणका लागि राखिएको छ ।

त्यस्तै महोत्सवमा लुम्बिनी प्रदेश, सुदूरपश्चिम प्रदेश, कर्णाली प्रदेश र गण्डकी प्रदेशका थारूहरू मौलिक भेषभुषासहित सांस्कृतिक झलकहरू प्रस्तुत हुनेछन् । महोत्सवमा दाङ,बाँके,बर्दिया,कैलाली,कञ्चनपुर, सुर्खेत, रूपन्देही,नवलपरासी,कपिलवस्तु जिल्ला हजारौं मटावाँ,बरघर (भलमन्सा),ककन्डर्वाहरू लगायत थारू समुदायको उपस्थिति रहेको छ ।