धनगढी । कञ्चनपुरको भीमदत्त नगरपालिकाका नेपाली काँग्रेसका नगर सभापति अच्युत कलौनी मृत फेला परेका छन् । भीमदत्त नगरपालिका वडा नम्बर–१८ वडा कार्यालय नजिक उनको शव फेला परेको हो ।
जिल्ला प्रहरी कार्यालय कञ्चनपुरका प्रवक्ता उमेशराज जोशीले शनिवार बिहान कलौनीको शव फेला परेको बताए । सडक पेटीमा उनी घोप्टो परेको अवस्थामा मृत फेला परेका हुन् ।
घटनास्थल ‘सिल’ गरेर उनको मृत्युको कारणबारे अनुसन्धान सुरु गरिएको छ । अनुसन्धानका लागि तालिम प्राप्त कुकुर समेत परिचालन गरिएको प्रहरीले जनाएको छ ।