Ssb

Gsb

Usb

Hl1

Tsb

ptl

Rgu

Nps

दाङ । पतन्जलि याेग नगर समिति लमहीकाे आयाेजनामा राप्ती गा.पामा रहेको निलसागर बृद्ध आश्र्ममा रहनु भएका कुल २८ जना मानसिक सन्तुलन गुमाएका बृद्ध-बृद्धाहरुको लागि बुधबार एक समारोहबीच फलफूल बितरण गरिएको छ ।

समितिले उहाँहरुको लागि फलफूल,लुगा घुने र नुहाउने साबुन,खाजा स्वरुप बिस्कुट हस्तान्तरण गरिएको पतन्जलि याेग समिति जिल्लाका उपाध्यक्ष शाहाना श्रेष्ठले जानकारी दिनु भयो ।

योग नगर लमही समितिले झन्डै ३ हजार बराबरकाे सामाग्री आश्रमलाई हस्तान्तरण गरेको हाे । छैठो राष्ट्रिय याेगदिवसकाे अबसर पारेर साता ब्यापि कार्यक्रम अन्तरगत आज अन्तिम दिन साे कार्यक्रम गरिएको समितिले जनाएको छ । गराै याेग ,रहाै निराेग ,याेग गराै डटेर ,काेरना जान्छ हटेर भन्ने मुख्य नाराका साथ दिवस मनाइएको हाे । योग नगर लमही समितिका अध्यक्ष भेषराज भट्टराईको अध्यक्ष्यता तथा लमही न.पाका उपप्रमुख देबका बेल्बासेकाे प्रमुख आतिथ्यतामा फलफूल बितरण कार्यक्रम गरिएको हाे ।

बितरण पछि आयाेजित कार्यक्रममा बाेल्दै प्रमुख अतिथि बेल्बासेले सहयाेगि हातहरु अगाडि बढाउने बानिकाे बिकाश गर्न जरुरी रहेकाे भन्नुहुदै सानाे सहयाेगबाट ती असाय ,बृद्ध-बृद्धाहरुलाई ठुलाे मद्दत पुग्ने भएकाले दत्तचित्त भएर सहयाेग गर्न अन्य समुदायलाई आग्रह गर्नु भयाे । यस अघि समितिले लमहीमा रक्तदान कार्यक्रम समेत आयाेजना गरेकाे थियाे ।