दाङ । देउखुरीको राजपुर गाउँपालिकाले कालिपुरवा र सतबरिया जोड्ने बाटो मर्मत गरेको छ । वर्षायामले गर्दा राजपुर गाउँपालिका वडा नम्बर ३,कालिपुरवा गाउँको सोटामा हिलाम्मे हुने र त्यहाँदेखि दैनिक आवतजावत गर्ने आम नागरिकलाई धेरै कठिनाइ भएको थियो ।त्यस्तै उक्त समस्यालाई केहिँ दिन अघि यस मिडिया मार्फत समाचार सम्प्रेषण भएको थियो । त्यहाँको समस्या मिडिया मार्फत देखेर राजपुर गाउँपालिकाले तत्काल समाधान गरेको राजपुर गाउँपालिका अध्यक्ष शरद कुमार बुढाथोकीले जानकारी दिए ।यस्तै अध्यक्ष बुढाथोकीले भने’,”हामीले पालिका क्षेत्र भित्र वर्षाले बाटोघाटोमा पुर्‍याएको क्षतिको दाताहरु संकलन गरेर क्रमशः मर्मत गर्ने र समस्याहरु समाधान गरिरहेका छौं ।” त्यसैले पालिका बासीलाई धैर्य गर्न आग्रह गर्छु । अहिले पालिकाको टिम दैनिक प्रशासनिक कार्य सहित बाटोघाटोहरुमा देखिएको सबै समस्याहरुलाई क्रमशःसमाधान गर्ने कार्य गरिरहेको र सम्बन्धित सम्पूर्ण सरोकारवाला निकायलाई यो विपदको समयमा सक्दो आ-आफ्नो स्थानबाट सहयोग गर्न अध्यक्ष बुढाथोकीले आग्रह समेत गरेका छन् ।